ഗെയില്‍ മ​സാ​ജ് തെ​റാ​പ്പി​സ്റ്റി​നെ നഗ്നത കാട്ടിയെന്ന ആരോപണം: കേസില്‍ വമ്പന്‍ ട്വിസ്‌റ്റ്

മ​സാ​ജ് തെ​റാ​പ്പി​സ്റ്റി​നെ നഗ്നത കാട്ടിയെന്ന കേസില്‍ വെസ്‌റ്റ് ഇന്‍ഡീസ് ക്രിക്കറ്റ് താരം ക്രിസ് ഗെയിലിന് വിജയം.ഓ​സ്ട്രേ​ലി​യ​ന്‍ മാ​ധ്യ​മം പുറത്തുവിട്ട വാര്‍ത്തയ്‌ക്കെതിരെ ഗെയില്‍ നല്‍കിയ ഹര്‍ജിയിലാണ് സി​ഡ്നി​ കോടതി താരത്തിന് അനുകൂലമായ വിധി പറഞ്ഞത്.

2015ലെ ​ലോ​ക​ക​പ്പ് മ​ത്സ​ര​ങ്ങ​ള്‍​ക്കി​ടെ സി​ഡ്നി​യി​ല്‍വ​ച്ച് ഗെയില്‍ മ​സാ​ജ് തെ​റാ​പ്പി​സ്റ്റിനെ ലൈം​ഗി​ക താ​ത്പ​ര്യം പ്ര​ക​ടി​പ്പി​ക്കും​വി​ധം ജ​ന​നേ​ന്ദ്രി​യം കാട്ടിയെന്നായിരുന്നു ഓ​സ്ട്രേ​ലി​യ​ന്‍ മാ​ധ്യ​മ​മായ ഫെ​യ​ര്‍​ഫാ​ക്സ് വാ​ര്‍​ത്ത പുറത്തുവിട്ടത്.

ഓസീസ് മാധ്യമം പുറത്തുവിട്ട വാര്‍ത്തയ്‌ക്കെതിരെ ഗെയില്‍ കോടതിയെ സമീപിക്കുകയായിരുന്നു. ഓസ്‌ട്രേലിയന്‍ മാധ്യമം ആരോപിക്കുന്ന തരത്തിലുള്ള സംഭവങ്ങള്‍ ഉണ്ടായിട്ടില്ലെന്നും തനിക്കെതിരെയുള്ള ആരോപണം തെറ്റാണെന്നുമുള്ള ഗെയിലിന്റെ വാദം കോടതി അംഗീകരിക്കുകയായിരുന്നു.

പുറത്തുവന്ന വാര്‍ത്തയിലെ വാ​സ്ത​വം എ​ന്തെ​ന്ന് ​ജ​ന​ങ്ങ​ൾ അ​റി​ഞ്ഞതില്‍ സ​ന്തോ​ഷ​മു​ണ്ടെ​ന്ന് ഗെയില്‍ പറഞ്ഞു. അതേസമയം, വാര്‍ത്തയ്‌ക്കെതിരെ താരം മാനനഷ്‌ട കേസ് നല്‍കുമെന്ന വാര്‍ത്തയും പുറത്തുവരുന്നുണ്ട്. ഭീമമായ തുകയാകും താരം ആവശ്യപ്പെടുക.

ഡ്രസിംഗ് റൂമില്‍ വെച്ച് ഗെയില്‍ മോശമായി പെരുമാറിയെന്നും നഗ്നത കാട്ടിയെന്നും മ​സാ​ജ് തെ​റാ​പ്പി​സ്റ്റായ യുവതി വ്യക്തമാക്കിയതായുള്ള റിപ്പോര്‍ട്ടാണ് ഫെ​യ​ര്‍​ഫാ​ക്സ് പുറത്തുവിട്ടത്.