സൌരവ് ഗാംഗുലിക്ക് ഹൃദയാഘാതം, ആശുപത്രിയില്‍ പ്രവേശിപ്പിച്ചു

ഇന്ത്യയ്ക്ക് ക്രിക്കറ്റ് കൺട്രോൾ ബോർഡ് (ബിസിസിഐ) പ്രസിഡന്റ് സൗരവ് ഗാംഗുലിക്ക് ഹൃദയാഘാതം. അദ്ദേഹത്തെ ആശുപത്രിയിൽ പ്രവേശിപ്പിച്ചു. ഗാംഗുലിക്ക് വൈകുന്നേരത്തോടെ ആൻജിയോപ്ലാസ്റ്റി നടത്തുമെന്നാണ് അറിയുന്നത്.

അസ്വസ്ഥത അനുഭവപ്പെട്ടതിനെ തുടര്‍ന്നാണ് അദ്ദേഹത്തെ ആശുപത്രിയില്‍ പ്രവേശിപ്പിക്കുന്നത്. ഡോക്‍ടര്‍മാരുടെ പ്രതികരണം ഇതുവരെ ലഭ്യമായിട്ടില്ല.

കോവിഡ് കാലത്തും ബി സി സി ഐ പ്രവര്‍ത്തനങ്ങളില്‍ അദ്ദേഹം കര്‍മ്മനിരതനായിരുന്നു. രണ്ട് ഐ പി എല്‍ ടീമുകളെക്കൂടി പുതുതായി ഉള്‍പ്പെടുത്തുന്നതിനുള്ള പ്രവര്‍ത്തനങ്ങള്‍ നടന്നുവരുന്നതിനിടെയാണ് അദ്ദേഹത്തിന് ഹൃദയാഘാതമുണ്ടായിരിക്കുന്നത്.