ഗില്ലിന്റെ പരുക്ക് ഗുരുതരമോ? ദേവ്ദത്ത് പടിക്കലിനോടു ഓസ്‌ട്രേലിയയില്‍ തുടരാന്‍ ആവശ്യപ്പെട്ട് ടീം മാനേജ്‌മെന്റ്
നവംബര് 22 നു പെര്‍ത്തിലാണ് ബോര്‍ഡര്‍-ഗവാസ്‌കര്‍ ട്രോഫിയിലെ ആദ്യ മത്സരം
ഓസ്‌ട്രേലിയയില്‍ ആയിരുന്ന ഇന്ത്യ എ ടീം ഇന്ന് നാട്ടിലേക്ക് തിരിക്കും. ഋതുരാജ് ഗെയ്ക്വാദ് നയിച്ച ഇന്ത്യ എ ടീമില്‍ അംഗമായിരുന്ന ദേവ്ദത്ത് പടിക്കല്‍ മാത്രം ഓസ്‌ട്രേലിയയില്‍ തുടരും. ബോര്‍ഡര്‍-ഗവാസ്‌കര്‍ ട്രോഫിക്കുള്ള ബാക്കപ്പ് ഓപ്ഷനായാണ് പടിക്കലിനോടു ഓസ്‌ട്രേലിയയില്‍ തുടരാന്‍ ടീം മാനേജ്‌മെന്റ് ആവശ്യപ്പെട്ടിരിക്കുന്നത്.
നവംബര് 22 നു പെര്‍ത്തിലാണ് ബോര്‍ഡര്‍-ഗവാസ്‌കര്‍ ട്രോഫിയിലെ ആദ്യ മത്സരം. ശുഭ്മാന്‍ ഗില്ലിനെ പരുക്കിനെ തുടര്‍ന്ന് ഇന്ത്യന്‍ ക്യാംപ് ആശങ്കയിലാണ്. പെര്‍ത്ത് ടെസ്റ്റില്‍ ഗില്‍ കളിക്കില്ല. ഈ സാഹചര്യത്തിലാണ് പടിക്കലിനോടു ഓസ്‌ട്രേലിയയില്‍ തുടരാന്‍ ആവശ്യപ്പെട്ടിരിക്കുന്നത്.
ഓസ്‌ട്രേലിയയില്‍ പരിശീലനത്തിനിടെയാണ് ഗില്ലിന്റെ കൈവിരലില്‍ പരുക്കേറ്റത്. ഏതാനും ദിവസത്തെ പൂര്‍ണ വിശ്രമം ഗില്ലിനു ആവശ്യമാണ്.
