വിക്കറ്റ് കീപ്പർ റിഷഭ് പന്തിനെ ഓപ്പണറാക്കിയുള്ള പരീക്ഷണം തുടരാനില്ലെന്ന് വ്യക്തമാക്കി ഇന്ത്യൻ നായകൻ രോഹിത് ശർമ. വെസ്റ്റിൻഡീസിനെതിരായ മൂന്നാം ഏകദിനത്തിൽ ഓപ്പണർ ശിഖർ ധവാൻ കളിക്കുമെന്നും രോഹിത് വ്യക്തമാക്കി.
വിന്‍ഡീസിനെതിരെ രണ്ടാം ഏകദിനത്തിൽ നായകന്‍ രോഹിത് ശര്‍മ്മയ്ക്കൊപ്പം റിഷഭ് പന്ത് ഓപ്പണിംഗിനെത്തുമെന്ന് ആരും പ്രതീക്ഷിച്ചതല്ല. കെഎൽ രാഹുൽ മധ്യനിരയിൽ കളിക്കണമെന്ന തീരുമാനത്തിലാണ് പന്തിനെ ഓപ്പണറാക്കിയത്. ശിഖർ ധവാന് പകരം ഇടംകയ്യൻ ഓപ്പണർ എന്നതും പന്തിനെ തിരെഞ്ഞെടുക്കാൻ കാരണമായി. എന്നാൽ പവർപ്ലേയിൽ ആഞ്ഞടിക്കാതെ 34 പന്തില്‍ 18 റണ്‍സായിരുന്നു പന്ത് മത്സരത്തിൽ നേടിയത്.
മൂന്നാ ഏകദിനത്തിൽ ധവാൻ തിരിച്ചെത്തും.പരമ്പര നേടിക്കഴിഞ്ഞതിനാൽ ധവാന് തിരിച്ചത്തുമ്പോള്‍ അവസാന ഏകദിനത്തിൽ സൂര്യകുമാര്‍ യാദവിനെയോ ദീപക് ഹൂഡയേയോ ഒഴിവാക്കിയേക്കും. റിഷഭ് പന്തിന് വിശ്രമം നൽകി ഇഷാൻ കിഷന് അവസരം നൽകുന്നതും തള്ളിക്കളയാനാകില്ല.
