MS Dhoni: 'ഇതെന്റെ അവസാന സീസണ്‍ ആയിരിക്കുമെന്ന് നിങ്ങള്‍ ഉറപ്പിച്ചോ?' ഐപിഎല്ലില്‍ നിന്ന് വിരമിക്കില്ലെന്ന സൂചന നല്‍കി ധോണി

MS Dhoni: ഐപിഎല്ലില്‍ നിന്ന് ഈ സീസണോടെ വിരമിക്കില്ലെന്ന് സൂചന നല്‍കി ചെന്നൈ സൂപ്പര്‍ കിങ്‌സ് നായകന്‍ മഹേന്ദ്രസിങ് ധോണി. ലഖ്‌നൗ സൂപ്പര്‍ ജയന്റ്‌സിനെതിരായ മത്സരത്തില്‍ ടോസിങ്ങിന് എത്തിയപ്പോള്‍ ഡാനി മോറിസണ്‍ ധോണിയോട് വിരമിക്കലിനെ കുറിച്ച് ചോദിച്ചു. ഇതിന് ധോണി മറുപടി നല്‍കിയത് വളരെ രസകരമായ രീതിയിലാണ്. 

' അവസാന സീസണില്‍ ലഭിക്കുന്ന ആരാധകരുടെ പിന്തുണ ആസ്വദിക്കുന്നുണ്ടോ ' എന്നായിരുന്നു മോറിസന്റെ ചോദ്യം. ' ഇതെന്റെ അവസാന ഐപിഎല്‍ ആയിരിക്കുമെന്ന് നിങ്ങള്‍ തീരുമാനിച്ചോ? ഞാന്‍ ഇതുവരെ അങ്ങനെ തീരുമാനിച്ചിട്ടില്ല ' ധോണി ചിരിച്ചുകൊണ്ട് മറുപടി കൊടുത്തു.