ഇന്ത്യക്കെതിരായ ആദ്യ ഏകദിനത്തിനിടെ പരിക്കേറ്റ ഓയിൻ മോർഗൻ, സാം ബില്ലിങ്സ് എന്നിവർ വെള്ളിയാഴ്‌ച്ച നടക്കാനിരിക്കുന്ന രണ്ടാം ഏകദിനത്തിൽ കളിച്ചേക്കില്ലെന്ന് സൂചന. ഇന്ത്യക്കെതിരായ ആദ്യ ഏകദിനത്തിൽ വിരലിൽ 4 സ്റ്റിച്ചുകളുമായാണ് മോർഗൻ ബാറ്റ് ചെയ്യാനിറങ്ങിയത്. സാം ബില്ലിങ്‌സിനാവട്ടെ ഫീൽഡ് ചെയ്യുന്നതിനിടെ തോളിന് പരിക്കേൽക്കുകയായിരുന്നു.
പരിക്കേറ്റ ഇരുതാരങ്ങളും രണ്ടാം ഏകദിനത്തിൽ കളിക്കുവാൻ സാധ്യത കുറവാണെന്നാണ് പുറത്തുവരുന്ന സൂചനകൾ. ആദ്യ മത്സരത്തിൽ ഇംഗ്ലണ്ടിനായി നായകൻ മോർഗൻ 22ഉം സാം ബില്ലിങ്സ് 18ഉം റൺസ് നേടിയിരുന്നു.
