ഓസീസിനെ ‘മടക്കിക്കെട്ടി’ മോ​ർ​ക്ക​ല്‍; ദക്ഷിണാഫ്രിക്കയ്ക്ക് 322 റണ്‍സിന്‍റെ കൂറ്റന്‍ ജയം

അ​ഞ്ചു വി​ക്ക​റ്റ് നേ​ടി​യ മോര്‍ണി​ മോ​ർ​ക്ക​ലി​ന്‍റെ പ്ര​ക​ട​ന​ത്തില്‍ ഓസ്‌ട്രേലിയക്കെതിരായ മൂന്നാം ടെസ്റ്റില്‍ ദക്ഷിണാഫ്രിക്കയ്ക്ക് 322 റണ്‍സിന്‍റെ കൂറ്റന്‍ ജയം. 430 റ​ണ്‍​സ് വി​ജ​യ​ല​ക്ഷ്യം പി​ന്തു​ട​ർ​ന്ന ഓ​സീ​സ് കേ​വ​ലം 107 റ​ണ്‍​സി​ന് എ​ല്ലാ​വ​രും പു​റ​ത്താ​കുകയായിരുന്നു. സ്കോ​ർ: ദ​ക്ഷി​ണാ​ഫ്രി​ക്ക- ഒ​ന്നാം ഇ​ന്നിം​ഗ്സ്(311), ര​ണ്ടാം ഇ​ന്നിം​ഗ്സ്(373).

ഒരു വിക്കറ്റിന് 57 റണ്‍സെന്ന നിലയില്‍ നിന്നാണ് ഓസ്‌ട്രേലിയ 107 റ​ണ്‍​സി​ന് തകര്‍ന്നത്. 23 റ​ണ്‍​സ് മാ​ത്രം വ​ഴ​ങ്ങി​യാ​യി​രു​ന്നു മോ​ർ​ക്ക​ലി​ന്‍റെ വി​ക്ക​റ്റ് വേ​ട്ട. മോ​ർ​ക്ക​ലി​ന്‍റെ വി​ര​മി​ക്ക​ൽ പ​ര​മ്പര​യാ​ണി​ത്.

ബാ​ൻ​ക്രോ​ഫ്റ്റ് (26), ഡേ​വി​ഡ് വാ​ർ​ണ​ർ (32), ടിം ​പെ​യ്ൻ (16) എന്നിവര്‍ മാത്രമാണ് ഓസ്‌ട്രേലിയന്‍ നിരയില്‍ തിളങ്ങിയത്. ഓസീസ് ബാറ്റിംഗ് നിരയിൽ ഒരാൾക്ക് പോലും മികച്ച പ്രകടനം കാഴ്ച വയ്ക്കാനായില്ല. ഏഴ് പേരാണ് രണ്ടക്കം കാണാതെ പുറത്തായി.

238/5 എ​ന്ന നി​ല​യി​ൽ നാ​ലാം ദി​നം ബാ​റ്റിം​ഗ് ആ​രം​ഭി​ച്ച ദ​ക്ഷി​ണാ​ഫ്രി​ക്ക 373 നേ​ടി എ​ല്ലാ​വ​രും പു​റ​ത്താ​യി. എ​യ്ഡ​ൻ മാ​ർ​ക്ര​ത്തി​നു (84) പു​റ​മേ എബി ഡി​വി​ല്ലിയേഴ്‌സ് (63), ക്വി​ന്‍റ​ണ്‍ ഡി ​കോ​ക്ക് (65), വെ​റോ​ണ്‍ ഫി​ലാ​ൻ​ഡ​ർ (52*) എ​ന്നി​വ​ർ അ​ർ​ധ​സെ​ഞ്ചു​റി നേ​ടി.