ഇംഗ്ലണ്ടിനെതിരായ ഒന്നാം ക്രിക്കറ്റ് ടെസ്റ്റിലെ തോൽവിയോടെ ഐസിസി ലോക ടെസ്റ്റ് ചാമ്പ്യൻഷിപ്പിൽ ഇന്ത്യയ്ക്ക് കനത്ത തിരിച്ചടി. ആദ്യ ടെസ്റ്റിന് മുൻപ് പട്ടികയിൽ രണ്ടാമതായിരുന്ന ഇന്ത്യ ഒറ്റയടിയ്‌ക്കാണ് നാലാം സ്ഥാനത്തേക്ക് വീണിരിക്കുന്നത്. ഇംഗ്ലണ്ടിനെതിരെ വലിയ മാർജിനിൽ തോറ്റതാണ് ഇന്ത്യയ്ക്ക് തിരിച്ചടിയായത്.
അതേസമയം 70.2 ശതമാനം പോയിന്റോടെയാണ് ഇംഗ്ലണ്ട് ആദ്യമായി ലോക ചാംപ്യന്‍ഷിപ്പ് പോയിന്റ് പട്ടികയില്‍ ഒന്നാംസ്ഥാനത്തെത്തി. ന്യൂസിലാന്‍ഡ് (70), ഓസ്‌ട്രേലിയ (69.2) എന്നിവരാണ് രണ്ടും മൂന്നും സ്ഥാനങ്ങളില്‍. 68.3 വിജയശതമാനമുള്ള ഇന്ത്യ നാലാം സ്ഥാനത്തും. അതേസമയം ടെസ്റ്റ് പരമ്പരയിൽ ഒരു പരാജയം കൂടി സംഭവിക്കുകയാണെങ്കിൽ ഇന്ത്യയുടെ ലോക ടെസ്റ്റ് ചാമ്പ്യൻഷിപ്പ് ഫൈനൽ യോഗ്യതയെ അത് സാരമായി ബാധിക്കും. ന്യൂസിലൻഡ് ലോക ലോക ടെസ്റ്റ് ചാമ്പ്യൻഷിപ്പ് ഫൈനൽ യോഗ്യത നേടിയതിനാൽ ഇനി വരുന്ന മത്സരങ്ങൾ ഇന്ത്യയ്ക്ക് നിർണായകമാണ്.