India vs Bangladesh T20 Series Live Telecast: ഇന്ത്യ-ബംഗ്ലാദേശ് ട്വന്റി 20 പരമ്പര നാളെ മുതല്‍; തത്സമയം കാണാന്‍ എന്തുവേണം?
സ്പോര്‍ട്സ് 18 ചാനലിലും ജിയോ സിനിമ ഒടിടി പ്ലാറ്റ്ഫോമിലും മത്സരങ്ങള്‍ തത്സമയം കാണാം
India vs Bangladesh T20 Series Live Telecast: ഇന്ത്യ-ബംഗ്ലാദേശ് ട്വന്റി 20 പരമ്പരയ്ക്കു ഒക്ടോബര് 6 ഞായറാഴ്ച (നാളെ) തുടക്കം. ഗ്വാളിയാറിലാണ് ആദ്യ ടി 20 മത്സരം നടക്കുക. ഒക്ടോബര് 9, 12 (ബുധന്‍, ശനി) ദിവസങ്ങളിലാണ് രണ്ടും മൂന്നും ട്വന്റി 20 മത്സരങ്ങള്‍. രണ്ടാം ട്വന്റി 20 ഡല്‍ഹി അരുണ്‍ ജയ്റ്റ്ലി സ്റ്റേഡിയത്തിലും മൂന്നാം ട്വന്റി 20 ഹൈദരബാദിലെ രാജീവ് ഗാന്ധി സ്റ്റേഡിയത്തിലും നടക്കും. ഇന്ത്യന്‍ സമയം രാത്രി ഏഴ് മുതലാണ് എല്ലാ മത്സരങ്ങളും.
സ്പോര്‍ട്സ് 18 ചാനലിലും ജിയോ സിനിമ ഒടിടി പ്ലാറ്റ്ഫോമിലും മത്സരങ്ങള്‍ തത്സമയം കാണാം. വൈകിട്ട് 6.30 നാണ് എല്ലാ മത്സരങ്ങളുടേയും ടോസ്. ഇന്ത്യയെ സൂര്യകുമാര്‍ യാദവും ബംഗ്ലാദേശിനെ നജ്മുല്‍ ഹൊസൈന്‍ ഷാന്റോയുമാണ് നയിക്കുക. മലയാളി താരം സഞ്ജു സാംസണും ടീമില്‍ ഇടം പിടിച്ചിട്ടുണ്ട്.
ഓപ്പണറായാകും സഞ്ജു കളിക്കാന്‍ ഇറങ്ങുകയെന്നാണ് വിവരം. അഭിഷേക് ശര്‍മയായിരിക്കും സഹ ഓപ്പണര്‍.
ഒന്നാം ട്വന്റി 20 സാധ്യത ഇലവന്‍: സഞ്ജു സാംസണ്‍, അഭിഷേക് ശര്‍മ, റിയാന്‍ പരാഗ്, സൂര്യകുമാര്‍ യാദവ്, ഹാര്‍ദിക് പാണ്ഡ്യ, റിങ്കു സിങ്, വാഷിങ്ടണ്‍ സുന്ദര്‍, രവി ബിഷ്ണോയ്, അര്‍ഷ്ദീപ് സിങ്, മായങ്ക് യാദവ്, ഹര്‍ഷിത് റാണ
