മാഞ്ചസ്റ്റര്‍ ടെസ്റ്റ് പൂര്‍ണമായി ഉപേക്ഷിക്കുകയല്ല വേണ്ടതെന്ന് ബിസിസിഐ. മത്സരം പിന്നീടൊരിക്കല്‍ നടത്താന്‍ ഇംഗ്ലണ്ട് ക്രിക്കറ്റ് ബോര്‍ഡിനോട് ബിസിസിഐ ആവശ്യപ്പെട്ടു. നിലവിലെ സാഹചര്യത്തില്‍ കോവിഡ് ഭീതിക്കിടെ കളിക്കാന്‍ ഇന്ത്യയിലെ മുതിര്‍ന്ന താരങ്ങള്‍ തയ്യാറല്ലെന്നാണ് ബിസിസിഐ പറയുന്നത്. മുതിര്‍ന്ന താരങ്ങള്‍ അടക്കം പിന്മാറിയതോടെ പ്ലേയിങ് ഇലവന്‍ തിരഞ്ഞെടുക്കാന്‍ ഇന്ത്യ ബുദ്ധിമുട്ടുന്നുണ്ട്. ഈ സാഹചര്യത്തിലാണ് ഇന്നു ആരംഭിക്കാനിരുന്ന ടെസ്റ്റ് മത്സരം ഉപേക്ഷിച്ചത്. താരങ്ങളെ വീണ്ടും കോവിഡ് ടെസ്റ്റിന് വിധേയമാക്കുമെന്നാണ് റിപ്പോര്‍ട്ട്.
