ഇന്ത്യൻ ക്രിക്കറ്റിന്റെ എക്കാലത്തേയും മികച്ച നായകൻ ആരെന്ന ചോദ്യത്തിന് ഭൂരിഭാഗം ആളുകളും പറയുക മഹേന്ദ്ര സിംഗ് ധോണി എന്നാകും. ആരാധകരുടെ കൂൾ ക്യാപ്റ്റൻ. ധോണിയെ കുറിച്ച് ഇർഫാൻ പഠാൻ പറഞ്ഞ വാക്കുകളാണ് ക്രിക്കറ്റ് ലോകത്ത് ഇപ്പോൾ ചർച്ചയായിരിക്കുന്നത്.
ഇന്ത്യന്‍ ടീമിലെ ഏറ്റവും നല്ല ചാരന്‍ ആരെന്ന ചോദ്യത്തിന് പഠാന് ധോനിയെന്നായിരുന്നു മറുപടി. ധോനി തന്റെ ടീമംഗങ്ങളെ രഹസ്യമായി നിരീക്ഷിക്കുമെന്നും എല്ലാവരെയും വിശദമായി മനസ്സിലാക്കുമെന്നും പഠാന് പറഞ്ഞു. പുതിയ ബോളിവുഡ് ചിത്രമായ റാസിയുടെ പ്രചരണത്തിന്റെ ഭാഗമായി കെന്റ് ക്രിക്കറ്റ് ഷോയില്‍ പങ്കെടുക്കാനെത്തിയപ്പോഴായിരുന്നു സംഭവം.
ഇന്ത്യന്‍ ചാരയായിട്ടാണ് ചിത്രത്തിൽ ആലിയ ഭട്ട് എത്തുന്നത്. ചിത്രത്തിലെ തന്റെ കഥാപാത്രത്തെപ്പോലെ അവസരം കിട്ടുകയാണെങ്കില്‍ മികച്ച ചാരനാകാനുള്ള എല്ലാ കഴിവും ധോണിക്ക് ഉണ്ടെന്ന് ആലിയയും പറയുന്നു.
