ഇഷാന്ത് ശര്‍മ ടെസ്റ്റ് ക്രിക്കറ്റില്‍ നിന്ന് വിരമിക്കുന്നു ! നിര്‍ദേശം നല്‍കി ബിസിസിഐ

പേസ് ബൗളര്‍ ഇഷാന്ത് ശര്‍മ ടെസ്റ്റ് ക്രിക്കറ്റില്‍ നിന്ന് വിരമിക്കാന്‍ തയ്യാറെടുക്കുന്നു. ദക്ഷിണാഫ്രിക്കന്‍ പര്യടനത്തോടെ വിരമിക്കാനാണ് നീക്കം. ടെസ്റ്റ് ക്രിക്കറ്റില്‍ ഇനി അവസരം ലഭിക്കില്ലെന്ന് ബിസിസിഐ ഇഷാന്തിന് മുന്നറിയിപ്പ് നല്‍കിയിട്ടുണ്ട്. വിരമിക്കല്‍ തീരുമാനം സ്വയം പ്രഖ്യാപിക്കാന്‍ ഇഷാന്തിന് സമയം നല്‍കിയിരിക്കുകയാണ്. തുടര്‍ച്ചയായ ഫോംഔട്ടാണ് താരത്തിനു തിരിച്ചടിയായത്. ഇഷാന്ത് ശര്‍മയ്ക്ക് പകരം മുഹമ്മദ് സിറാജിനെയോ ശര്‍ദുല്‍ താക്കൂറിനെയോ ടെസ്റ്റ് ടീമില്‍ സ്ഥിരപ്പെടുത്തും.