ഒടുവിൽ 11 വർഷത്തിനിടെ ആദ്യമായി അന്താരാഷ്‌ട്ര ക്രിക്കറ്റിൽ വിരാട് കോലിയുടെ സെഞ്ചുറിയില്ലാതെ ഒരു വർഷം കടന്നുപോകുന്നു. ഈ വർഷം ഒമ്പത് ഏകദിനങ്ങളും 3 ടെസ്റ്റുകളും 10 ട്വൻറി ട്വൻറി മത്സരങ്ങളും ഇന്ത്യക്കായി കളിച്ചുവെങ്കിലും ഒരിക്കൽ പോലും സ്‌കോർ മൂന്നക്കം കടത്താൻ താരത്തിനായില്ല.89 റൺസാണ് കോലിയുടെ ഈ വർഷത്തെ ടോപ്സ്കോർ.
2020 കലണ്ടർ വർഷത്തിൽ കോലി അവസാനമായി കളിച്ച അഡലെയ്ഡ് ടെസ്റ്റിൽ ആദ്യ ഇന്നിങ്സിൽ 74 റൺസുമായി താരത്തിന് തിളങ്ങാനായെങ്കിലും രണ്ടാം ഇന്നിങ്സിൽ വെറും 4 റൺസിനായി താരം പുറത്തായത്.ഇതോടെ ഈ വർഷം സെഞ്ചുറി നേടാൻ സാധിക്കുന്ന അവസാനമത്സരവും താരത്തിന്ന് നഷ്ടമായി.
അതേസമയം കളിക്കാരൻ എന്ന നിലയിൽ മാത്രമല്ല നായകനെന്ന കോലിക്ക് 2020 മോശം വർഷമാണ്.കോലിയുടെ കീഴിൽ അഞ്ച് ഏകദിനങ്ങളിലും 3 ടെസ്റ്റുകളിലും ഈ വർഷം ഇന്ത്യ പരാജയപ്പെട്ടു.
