ഇന്ത്യന്‍ ഓള്‍റൗണ്ടര്‍ ക്രുണാല്‍ പാണ്ഡ്യക്ക് മുന്നറിയിപ്പുമായി മുന്‍ ഇന്ത്യന്‍ താരവും കമന്റേറ്ററുമായ സഞ്ജയ് മഞ്ജരേക്കര്‍. ടി 20 ക്രിക്കറ്റില്‍ ക്രുണാലിന് ഭാവി ഉണ്ടാകണമെങ്കില്‍ അദ്ദേഹം ബാറ്റിങ്ങില്‍ കൂടുതല്‍ ശ്രദ്ധ ചെലുത്തണമെന്ന് മഞ്ജരേക്കര്‍ പറഞ്ഞു. അല്ലാത്തപക്ഷം ക്രുണാലിന്റെ ടി 20 കരിയര്‍ വേഗം അവസാനിക്കുമെന്നും മഞ്ജരേക്കര്‍ മുന്നറിയിപ്പ് നല്‍കി.
'ദീര്‍ഘകാല ടി 20 കരിയര്‍ വേണമെങ്കില്‍ ക്രുണാല്‍ ബാറ്റിങ്ങില്‍ ശ്രദ്ധിക്കണം. ബാറ്റിങ് ഓള്‍റൗണ്ടര്‍ ആകുവാനാണ് അദ്ദേഹത്തിനു സാധിക്കേണ്ടത്. ബൗളിങ് ഓള്‍റൗണ്ടര്‍ എന്നതിനേക്കാള്‍ ബാറ്റിങ് ഓള്‍റൗണ്ടര്‍ മികവാണ് ക്രുണാലിന് ഗുണം ചെയ്യുക,' മഞ്ജരേക്കര്‍ പറഞ്ഞു.
