ഇന്ത്യ-ന്യൂസിലൻഡ് രണ്ടാം ടി20 മത്സരം ഇന്ന് റാഞ്ചിയിൽ നടക്കുമ്പോൾ വിരാട് കോലിയുടെ റെക്കോഡിൽ കണ്ണുവെച്ച് കിവീസ് ഓപ്പണർ മാർട്ടിൻ ഗപ്റ്റിൽ. രാജ്യാന്തര ടി20യിൽ ഏറ്റവും കൂടുതൽ റൺസെന്ന് വിരാട് കോലിയുടെ റെക്കോഡ് തകർക്കാൻ ഇനി 11 റൺസ് മാത്രമാണ് ഗപ്റ്റിലിന് ആവശ്യമുള്ളത്.
റാഞ്ചിയിൽ വൈകിട്ട് ഏഴിനാണ് ഇന്ത്യ-ന്യൂസിലന്ഡ് രണ്ടാം ടി20 ആരംഭിക്കുക. ആദ്യ ടി20യിൽ ന്യൂസിലൻഡിനെ അഞ്ച് വിക്കറ്റിന് പരാജയപ്പെടുത്തിയ ടീം ഇന്ത്യക്ക് ഇന്ന് ജയിച്ചാല് പരമ്പര സ്വന്തമാക്കാം. മുഴുവൻ സമയ നായകനെന്ന നിലയിൽ രോഹിത് ശർമയുടെ ആദ്യ പരമ്പരയാണീത്.