പരമ്പര നഷ്‌ടമായെങ്കിലും ദക്ഷിണാഫ്രിക്കയ്‌ക്കെതിരായ മൂന്നാം ടെസ്‌റ്റില്‍ ജയം പിടിച്ചെടുത്തത് ഇന്ത്യന്‍ ടീമിനെ സംബന്ധിച്ചടുത്തോളം ആത്മവിശ്വാസം പകരുന്ന നിമിഷമായിരുന്നു.
63 റണ്‍സിന്റെ തകര്‍പ്പന്‍ വിജയം സ്വന്തമാക്കിയ ഇന്ത്യന്‍ താരങ്ങള്‍ പുലരുവോളം ആഘോഷം നീണ്ടു നിന്നുവെങ്കിലും വേറിട്ടു നിന്നത് മുന്‍ നായകന്‍ മഹേന്ദ്ര സിംഗ് ധോണിയുടെ രംഗപ്രവേശമാണ്.
ഏകദിന ട്വന്റി-20 മത്സരങ്ങള്‍ക്കായി ദക്ഷിണാഫ്രിക്കയില്‍ എത്തിയ ധോണി ടെസ്റ്റ് ടീമില്‍ അംഗമല്ലാതിരുന്നിട്ടും വിരാട് കോഹ്‌ലിയുടെയും കൂട്ടരുടെയും ആഘോഷങ്ങള്‍ക്കൊപ്പം ചേരുകയായിരുന്നു. ധോണിയുടെ വരവ് സര്‍പ്രൈസായിട്ടാണ് മറ്റു താരങ്ങള്‍ക്ക് അനുഭവപ്പെട്ടത്.
ശനിയാഴ്ച രാത്രി വൈകുവോളംനീണ്ടു നിന്ന ആഘോഷത്തില്‍ ധോണിക്കൊപ്പം നില്‍ക്കുന്ന സെല്‍ഫി ചിത്രം ഹര്‍ദ്ദിക് പാണ്ഡ്യയാണ് ആദ്യം ട്വീറ്റ് ചെയ്തത്. അമേസിംഗ് ലാസ്റ്റ് നൈറ്റ് വിത്ത് ദ ബോയ്‌സ് എന്ന വിവരണത്തോടെയായിരുന്നു അദ്ദേഹത്തിന്റെ ട്വീറ്റ്.