‘പിച്ച് ചെയ്തത് മാത്രമേ ഓര്‍മ്മയുള്ളൂ’; ദസുണ്‍ ഷണകയെ പുറത്താക്കിയ അശ്വിന്‍ മാജിക് - വീഡിയോ

ശ്രീലങ്കക്കെതിരായ രണ്ടാം ക്രിക്കറ്റ് ടെസ്റ്റില്‍ ഇന്ത്യ ശക്തമായ നിലയിലാണ്. ഒന്നാം ഇന്നിങ്‌സില്‍ വെറും 205 റണ്‍സ് മാത്രമേ ലങ്കയ്ക്ക് നേടാന്‍ കഴിഞ്ഞുള്ളൂ. ഇന്ത്യന്‍ സംഘത്തിന്റെ ശക്തമായ ബൗളിങ്ങിനുമുന്നില്‍ ശ്രീലങ്കന്‍ ബാറ്റ്‌സ്മാന്‍മാരെല്ലാം ആദ്യമേ അടിയറവു പറയുന്ന കാഴ്ചയാണ് കണ്ടത്. ആര്‍ അശ്വിന്‍ തന്നെയായിരുന്നു ഇത്തവണയും ഇന്ത്യന്‍ ബൗളിങ് ആക്രമണം നയിച്ചത്.

നാല് ലങ്കന്‍ താരങ്ങളെ അശ്വിന്‍ കൂടാരം കയറ്റിയപ്പോള്‍ മൂന്ന് വീതം വിക്കറ്റുകള്‍ സ്വന്തമാക്കി രവീന്ദ്ര ജഡേജയും ഇശാന്ത് ശര്‍മ്മയും അശ്വിന് പൂര്‍ണപിന്തുണ നല്‍കി. 15 ബോളില്‍ രണ്ടു റണ്‍സുമായി നില്‍ക്കവേയായിരുന്നു ലങ്കന്‍ താരം ഷണകയുടെ ഓഫ് സ്റ്റംമ്പ് അശ്വിന്‍ വീഴ്ത്തുന്നത്. പിച്ച് ചെയ്ത പന്തിന്റെ ബൗണ്‍സ് മനസിലാക്കുന്നതിനു മുമ്പ് പന്ത് ബെയില്‍സ് തെറിപ്പിക്കുകയായിരുന്നു. ആ വീഡിയോ ഇപ്പോള്‍ വൈറലായിരിക്കുകയാണ്.