ഇംഗ്ലണ്ടിനെതിരായ നാലാം ടെസ്റ്റിൽ സെഞ്ചുറി കണ്ടെത്തിയതോടെ രാഹുൽ ദ്രാവിഡിന്റെ റെക്കോഡ് മറികടന്ന് ഇന്ത്യയുടെ ഹി‌റ്റ്‌മാൻ. ഇംഗ്ലണ്ടിൽ ഏറ്റവുമധികം സെഞ്ചുറികൾ നേടുന്ന ഇന്ത്യൻ താരമെന്ന നേട്ടമാണ് രാഹുൽ ദ്രാവിഡിനെ മറികടന്ന് രോഹിത് സ്വന്തമാക്കിയത്.
9 സെഞ്ചുറികളാണ് ഇംഗ്ലണ്ടിൽ രോഹിത് നേടിയത്. 8 സെഞ്ചുറികളാണ് ദ്രാവിഡിനുള്ളത്. രോഹിത്തിന്റെ ഇംഗ്ലണ്ടിലെ 9 സെഞ്ചുറികളിൽ അവസാന എട്ടും 2018ന് ശേഷമാണ്. നിലവിൽ ഇംഗ്ലണ്ടിൽ ഏറ്റവും കൂടുതൽ സെഞ്ചുറികൾ സ്വന്തമാക്കിയത് ഓസീസിന്റെ ഇതിഹാസ താരം ഡോൺ ബ്രാഡ്മാനാണ്(11).
അതേസമയം ഓവലിൽ നടന്ന നാലം ടെസ്റ്റിൽ ഇന്ത്യയുടെ ഇന്നിങ്സിന് അടിത്തറയിട്ടത് രോഹിത്-പൂജാര രണ്ടാം വിക്കറ്റ് കൂട്ടുക്കെട്ടായിരുന്നു. രണ്ടാം വിക്കറ്റിൽ 153 റൺസാണ് ഇവർ സ്വന്തമാക്കിയത്. 256 പന്തി‌ൽ നിന്ന് 14 ഫോറിന്റെയും ഒരു സിക്‌സിന്റെയും അകമ്പടിയോടെ 127 റൺസാണ് മത്സരത്തിൽ രോഹിത് നേടിയത്.
