കേരളത്തിലേത് മികച്ച കാണികൾ, സഞ്ജു സാംസൺ ഇന്ത്യൻ പദ്ധതികളുടെ ഭാഗം: സൗരവ് ഗാംഗുലി

കേരളത്തിലേത് മികച്ച സ്റ്റേഡിയവും മികച്ച കാണികളുമാണെന്ന് കേരളത്തിലെത്തിയ ബിസിസിഐ പ്രസിഡൻ്റ് സൗരവ് ഗാംഗുലി. തനിക്കും നല്ല ഓർമകളാണ് കേരളത്തിനെ പറ്റിയുള്ളതെന്നും ഗാംഗുലി പറഞ്ഞു. സഞ്ജു സാംസൺ മികച്ച താരമാണെന്നും ഇന്ത്യൻ പദ്ധതികളുടെ ഭാഗമാണെന്നും ഗാംഗുലി പറഞ്ഞു. ഇന്ത്യ- ദക്ഷിണാഫ്രിക്ക ടി20 പരമ്പരയിലെ ആദ്യ മത്സരം കാണാൻ കേരളത്തിലെത്തിയതായിരുന്നു ഗാംഗുലി.

ദക്ഷിണാഫ്രിക്കക്കെതിരായ ഏകദിന പരമ്പരയിൽ സഞ്ജു ടീമിലുണ്ടാകുമെന്ന് സൂചന നൽകിയ ഗാംഗുലി രോഹൻ കുന്നുമ്മേൽ,ബേസിൽ തമ്പി എന്നിവരെയും പ്രശംസിച്ചു. റൊടേഷൻ പോളിസി പ്രകാരം കേരളത്തിലേക്ക് കൂടുതൽ മത്സരങ്ങൾ എത്തുമെന്നും ഗാംഗുലി വ്യക്തമാക്കി.