ദക്ഷിണാഫ്രിക്കക്കെതിരെ സീരീസിലെ നിര്‍ണായകമത്സരത്തില്‍ സെഞ്ചുറി നേടിയതോടെ അപൂര്‍വ നേട്ടങ്ങളും സ്വന്തമാക്കി മലയാളി താരം സഞ്ജു സാംസണ്‍. അന്താരാഷ്ട്ര ക്രിക്കറ്റില്‍ ഒരു മലയാളി താരത്തിന്റെ ആദ്യ സെഞ്ചുറി എന്ന നേട്ടത്തിനൊപ്പം തന്നെ ഇതിഹാസതാരം വിരാട് കോലിയുടെ പേരിലുണ്ടായിരുന്ന ഒരു നേട്ടത്തിനൊപ്പമെത്താനും സഞ്ജുവിനായി.
ദക്ഷിണാഫ്രിക്കയില്‍ ദക്ഷിണാഫ്രിക്കക്കെതിരെ മൂന്നാം നമ്പറില്‍ ഇറങ്ങിയാണ് സഞ്ജു സെഞ്ചുറി സ്വന്തമാക്കിയത്. വിരാട് കോലിയ്ക്ക് ശേഷം ഈ നേട്ടം സ്വന്തമാക്കുന്ന ആദ്യ ഇന്ത്യന്‍ താരമാണ് സഞ്ജു. ദക്ഷിണാഫ്രിക്കയില്‍ മികച്ച ബാറ്റിംഗ് റെക്കോര്‍ഡുള്ള താരങ്ങള്‍ അധികമില്ലെന്നിരിക്കെയാണ് കരിയറിലെ ആദ്യ സെഞ്ചുറി സഞ്ജു ദക്ഷിണാഫ്രിക്കയില്‍ കുറിച്ചത്
