ഐപിഎല്ലില്‍ ഏറ്റവും മികച്ച ട്രാക്ക് റെക്കോര്‍ഡ് ഉള്ള ബൗളറാണ് റാഷിദ് ഖാന്‍. എന്നാല്‍ അതൊന്നും തനിക്ക് വിഷയമല്ലാത്ത പോലെയാണ് രാജസ്ഥാന്‍ റോയല്‍സ് നായകന്‍ സഞ്ജു സാംസണ്‍ ഇന്നലെ ബാറ്റ് ചെയ്തത്. ഗുജറാത്ത് ടൈറ്റന്‍സ് താരമായ റാഷിദ് ഖാനെ തുടര്‍ച്ചയായി മൂന്ന് സിക്‌സുകള്‍ പറത്തി സഞ്ജു തന്റെ പ്രതിഭ തെളിയിച്ചു.
ഐപിഎല്ലില്‍ റാഷിദിനെതിരെ തുടര്‍ച്ചയായി മൂന്ന് സിക്‌സുകള്‍ നേടുന്ന രണ്ടാമത്തെ മാത്രം താരമാണ് സഞ്ജു. ക്രിസ് ഗെയ്ല്‍ ഒരിക്കല്‍ തുടര്‍ച്ചയായി നാല് സിക്‌സുകള്‍ നേടിയിട്ടുണ്ട്.
