ഇന്ത്യൻ പ്രീമിയർ ലീഗിൽ രാജസ്ഥാനായി ഏറ്റവും കൂടുതൽ റൺസ് നേടിയ താരമെന്ന നേട്ടം സ്വന്തമാക്കി മലയാളി താരം സഞ്ജു സാംസൺ. 3098 റൺസ് രാജസ്ഥാനായി നേടിയ മുൻ നായകൻ അജിങ്ക്യ രഹാനയെയാണ് സഞ്ജു മറികടന്നത്. ഷെയ്ൻ വാട്ട്സൺ(2474) ജോസ് ബട്ട്‌ലർ (2377) എന്നിവരാണ് സഞ്ജുവിന് മുന്നിലുള്ളത്.
രാജസ്ഥാന് വിലക്ക് നേരിട്ട രണ്ട് വർഷം മാത്രമാണ് സഞ്ജു രാജസ്ഥാൻ അല്ലാതെ മറ്റൊരു ടീമിനായി ഐപിഎല്ലിൽ കളിച്ചിട്ടുള്ളത്. 2021ൽ രാജസ്ഥാൻ നായകനായ സഞ്ജു രാജസ്ഥാൻ നായകനെന്ന നിലയിൽ 1000 റൺസും ഇന്നലെ പിന്നിട്ടു. 33 ഇന്നിങ്ങ്സിൽ നിന്നാണ് ഈ നേട്ടം. കഴിഞ്ഞ 2 ഐപിഎൽ സീസണുകളിലും 450ന് മുകളിൽ റൺസ് കണ്ടെത്താൻ സഞ്ജുവിനായിരുന്നു. ഈ ഐപിഎല്ലിൽ രണ്ട് ഇന്നിങ്ങ്സിൽ നിന്നും 97 റൺസാണ് സഞ്ജു നേടിയിട്ടുള്ളത്.
