Shubman Gill: 'അത്ര ഈസിയായി ജയിക്കണ്ട'; സിറാജ് ബ്രൂക്കിന്റെ ക്യാച്ച് വിട്ടതില്‍ ഗില്ലിന്റെ രസികന്‍ പ്രതികരണം

അതേസമയം നിര്‍ണായക സമയത്ത് സിറാജ് കൈവിട്ട ബ്രൂക്കിന്റെ ക്യാച്ചാണ് മത്സരത്തിനൊരു ത്രില്ലര്‍ സ്വഭാവം ലഭിക്കാന്‍ കാരണം

രേണുക വേണു
ചൊവ്വ, 5 ഓഗസ്റ്റ് 2025 (09:07 IST)
Shubman Gill: ഓവല്‍ ടെസ്റ്റില്‍ ആറ് റണ്‍സിന്റെ ജയം സ്വന്തമാക്കിയ ഇന്ത്യ ഇംഗ്ലണ്ടിനെതിരായ പരമ്പര 2-2 സമനിലയിലാക്കി. രണ്ട് ഇന്നിങ്‌സിലുമായി ഒന്‍പത് വിക്കറ്റ് വീഴ്ത്തിയ പേസര്‍ മുഹമ്മദ് സിറാജാണ് ഇന്ത്യയുടെ വിജയശില്‍പ്പി. 
 
അതേസമയം നിര്‍ണായക സമയത്ത് സിറാജ് കൈവിട്ട ബ്രൂക്കിന്റെ ക്യാച്ചാണ് മത്സരത്തിനൊരു ത്രില്ലര്‍ സ്വഭാവം ലഭിക്കാന്‍ കാരണം. അല്ലാത്തപക്ഷം ഇന്ത്യ നേരത്തെ ജയിക്കുമായിരുന്നു. ബ്രൂക്കിന്റെ ക്യാച്ച് കൈവിട്ടതില്‍ സിറാജിനും വിഷമമുണ്ടായിരുന്നു. മത്സരശേഷം ഇതിനെ കുറിച്ച് സിറാജും ഇന്ത്യന്‍ നായകന്‍ ശുഭ്മാന്‍ ഗില്ലും പ്രതികരിച്ചു. 


നാലാം ദിനം ബ്രൂക്ക് 19 റണ്‍സില്‍ നില്‍ക്കെയാണ് ബൗണ്ടറി ലൈനിനു തൊട്ടരികെ സിറാജ് നിര്‍ണായകമായ ക്യാച്ച് കൈവിട്ടത്. പന്ത് കൈപിടിയിലൊതുക്കിയെങ്കിലും ബൗണ്ടറി റോപ്പില്‍ സിറാജിന്റെ കാല്‍ തട്ടുകയായിരുന്നു. 
 
' ബ്രൂക്ക് ഒരു അസാധാരണ കളിക്കാരനാണ്. അതുകൊണ്ട് തന്നെ ആ ക്യാച്ച് ഒരു ഗെയിം-ചെയ്ഞ്ചിങ് മൊമന്റ് ആയിരുന്നു. നന്നായി ആക്രമിച്ചു കളിക്കുന്ന ബാറ്ററാണ് അദ്ദേഹം. ഞാന്‍ ആ ക്യാച്ച് എടുത്തിരുന്നെങ്കില്‍ മത്സരഫലം ഇങ്ങനെ ആകുമായിരുന്നില്ല. ഞാനൊരു മുതിര്‍ന്ന ബൗളറാണ്, ഞാന്‍ എന്റെ തോളുകള്‍ കുനിക്കില്ല. സംഭവിക്കാനുള്ള സംഭവിച്ചു, ഇതെല്ലാം കളിയുടെ ഭാഗമാണെന്ന് ഞാന്‍ മനസില്‍ ഉറപ്പിച്ചു,' സിറാജ് പറഞ്ഞു. 
 
ഈ സമയത്ത് സിറാജിന്റെ സംസാരം പൂര്‍ത്തിയാകുമ്പോഴേക്കും ഗില്‍ ഇടപെട്ടു. ' ആ ക്യാച്ച് സിറാജ് എടുത്തിരുന്നെങ്കില്‍ ഞങ്ങള്‍ക്ക് കളി ജയിക്കുന്നത് വളരെ ഈസിയായേനെ. ആ ക്യാച്ച് വിട്ടതുകൊണ്ട് വളരെ മികച്ച കളി കാണാന്‍ സാധിച്ചില്ലേ,' സിറാജിനെ പിന്തുണച്ച് ഗില്‍ പറഞ്ഞു. 

അനുബന്ധ വാര്‍ത്തകള്‍

വായിക്കുക

Women's ODI worldcup : ഗ്രൂപ്പ് ഘട്ടത്തിൽ 2 തോൽവി, ഓസീസ് ഇന്ത്യയുടെ സെമി സാധ്യതകൾ അടച്ചോ?, ഇന്ത്യയുടെ സാധ്യതകൾ എന്തെല്ലാം

India vs Westindies: സെഞ്ചുറികൾക്ക് പിന്നാലെ ക്യാമ്പെല്ലും ഹോപ്പും മടങ്ങി, ഇന്ത്യക്കെതിരെ ഇന്നിങ്ങ്സ് പരാജയം ഒഴിവാക്കി വെസ്റ്റിൻഡീസ്

India vs West Indies, 2nd Test: നാണക്കേട് ഒഴിവാക്കാന്‍ വെസ്റ്റ് ഇന്‍ഡീസ് പൊരുതുന്നു; കളി പിടിക്കാന്‍ ഇന്ത്യ

അഫ്ഗാനെതിരെ കളിച്ചത് പിതാവ് മരിച്ചതറിയാതെ, വിജയത്തിലും നോവായിൽ ദുനിത് വെല്ലാലെഗെ

Smriti Mandana: ഏകദിനത്തിൽ മാത്രം 12 സെഞ്ചുറി, മെഗ് ലാനിങ്ങുമായുള്ള അകലം കുറച്ച് സ്മൃതി മന്ദാന

എല്ലാം കാണുക

ഏറ്റവും പുതിയത്

പാക്കിസ്ഥാനിലേക്ക് ഞങ്ങള്‍ ഇല്ല; ത്രിരാഷ്ട്ര പരമ്പരയില്‍ നിന്ന് പിന്മാറി അഫ്ഗാന്‍

അവരുടെ മുന്നിലൂടെ എങ്ങനെ 3 ലക്ഷത്തിന്റെ വാച്ച് ധരിക്കും, പണത്തിന്റെ വില എനിക്കറിയാം: വരുണ്‍ ചക്രവര്‍ത്തി

Virat Kohli: ഇങ്ങനെ കിതച്ചാൽ പറ്റില്ല, ജിമ്മിൽ പോയി ഫിറ്റാകു, കോലി ഫിറ്റ്നസിൽ കർക്കശക്കാരൻ, അനുഭവം പറഞ്ഞ് രവിശാസ്ത്രി

ഇന്ത്യക്കെതിരായ ഏകദിന പരമ്പരയിൽ നിന്ന് കാമറൂൺ ഗ്രീൻ പുറത്ത്, ലബുഷെയ്നെ തിരിച്ചുവിളിച്ചു

കോലിയ്ക്കും രോഹിത്തിനും ഒന്നും എളുപ്പമാവില്ല, മുന്നറിയിപ്പ് നൽകി ഷെയ്ൻ വാട്ട്സൺ

അടുത്ത ലേഖനം
Show comments