ലോകത്തെ ഏറ്റവും മികച്ച ബാറ്റിങ്ങ് താരങ്ങളിലൊരാളാണ് ദക്ഷിണാഫ്രിക്കയുടെ എബി ഡിവില്ലിയേഴ്‌സ്. മൈതാനത്തിനെ എല്ലാ മൂലയിലെക്കും ഷോട്ട് പായിക്കാനുള്ള ഡിവില്ലിയേഴ്‌സിന്റെ കഴിവ് കാരണം മിസ്റ്റർ 360ഡിഗ്രീ എന്ന വിശേഷണം പോലും എബി ഡിവില്ലിയേഴ്‌സിനുണ്ട്. ഇപ്പോളിതാ ഡിവില്ലിയേഴ്‌സുമായുള്ള തന്റെ ഏറ്റുമുട്ടലിനെ കുറിച്ച് തുറന്നു സംസാരിക്കുകയാണ് മലയാളി താരമായ ശ്രീശാന്ത്. ടി20,ടെസ്റ്റ് മത്സരങ്ങൾ ഉൾപ്പടെ വിവിധഫോർമാറ്റിൽ ശ്രീ മുന്‍ ദക്ഷിണാഫ്രിക്കന്‍ താരത്തെ വിക്കറ്റിന് മുന്നില്‍ കുടുക്കിയിട്ടുണ്ട്.
ഡിവില്ലിയേഴ്‌സ് മഹാനായ താരമാണെന്നതില്‍ സംശയമൊന്നുമില്ല. എന്നാല്‍ ചിലപ്പോഴെല്ലാം അദ്ദേഹത്തിന് എന്റെ മുന്നിൽ പിഴച്ചിട്ടുണ്ട്. എബിഡിക്കെതിരേ ബൗള്‍ ചെയ്യുമ്പോഴെല്ലാം എനിക്ക് വിക്കറ്റ് നേടാന്‍ സാധിച്ചിട്ടുണ്ട്.എന്നെ നേരിടുമ്പോള്‍ ഡിവില്ലിയേഴ്സിന് എന്താണ് സംഭവിക്കുന്നതെന്നറിയിയില്ലെന്നും ഡിവില്ലിയേഴ്‌സിനോറ്റ് തന്നെ ഇക്കാര്യം ചോദിച്ചറിയേണ്ടതുണ്ടെന്നും ശ്രീ കോര്‍ണര്‍ കോര്‍ണിക്കിള്‍സ് എന്ന യൂട്യൂബ് ചാനലിന്റെ ലൈവിൽ പറഞ്ഞു.
