ഇന്ത്യയുടെ ഇതിഹാസതാരമായ എംഎസ് ധോണിയുടെ വിരമിക്കലിനെ കുറിച്ച് അഭിപ്രായം തുറന്ന് പറഞ്ഞ് മലയാളി പേസ് ബൗളർ ശ്രീശാന്ത്. കഴിഞ്ഞ 11 മാസമായി അന്താരാഷ്ട്ര ക്രിക്കറ്റിൽ നിന്നും വിട്ടു നിൽക്കുന്ന ധോണി ഇനി ഇന്ത്യൻ ടീമിൽ മടങ്ങിയെത്തില്ലെന്നാണ് പലരും അഭിപ്രായപ്പെടുന്നതെങ്കിലും ശ്രീശാന്തിന് ഇത്തരമൊരു അഭിപ്രായമില്ല.
വരാനിരിക്കുന്ന ടി20 ലോകകപ്പിൽ മഹേന്ദ്ര സിംഗ് ധോണിയെ കിരീടത്തോടെ യാത്രയാക്കുന്നത് കാണാനാണ് താൻ ആഗ്രഹിക്കുന്നതെന്ന് ശ്രീശാന്ത് പറഞ്ഞു.2011ലെ ഏകദിന ലോകകപ്പ് വിജയത്തിനു ശേഷം ഇതിഹാസതാരം സച്ചിനെ യാത്രയാക്കിയതുപോലെ ധോണിയേയും സഹതാരങ്ങൾ യാത്രയാക്കണമെന്നും ശ്രീശാന്ത് പറഞ്ഞു.
