നാളെ മുതല്‍ ആരംഭിക്കുന്ന ശ്രീലങ്കയ്‌ക്കെതിരായ ട്വന്റി 20 പരമ്പരയ്ക്കുള്ള സ്‌ക്വാഡില്‍ നിന്ന് പേസ് ബൗളര്‍ ദീപക് ചഹറും മധ്യനിര ബാറ്റര്‍ സൂര്യകുമാര്‍ യാദവും പുറത്ത്. നാളെ ലക്‌നൗവിലാണ് ആദ്യ ട്വന്റി 20 മത്സരം. പരുക്കിനെ തുടര്‍ന്നാണ് ഇരുവരേയും സ്‌ക്വാഡില്‍ നിന്ന് ഒഴിവാക്കിയത്. പകരക്കാരെ ബിസിസിഐ പ്രഖ്യാപിച്ചിട്ടില്ല. വെസ്റ്റ് ഇന്‍ഡീസിനെതിരായ ട്വന്റി 20 പരമ്പരയിലെ മൂന്നാം മത്സരത്തിലാണ് ചഹറിനും സൂര്യകുമാര്‍ യാദവിനും പരുക്കേറ്റത്.
