കിരീടം തേടി ഇന്ത്യൻ യുവനിരയിറങ്ങുന്നു, അണ്ടർ 19 വനിതാ ടി20 ലോകകപ്പ് ഫൈനൽ ഇന്ന്

പ്രഥമ അണ്ടർ 19 വനിതാ ടി20 ലോകകപ്പ് കിരീടം നേടി ഇന്ത്യൻ യുവതാരങ്ങൾ ഇന്നിറങ്ങുന്നു. ഫൈനൽ മത്സരത്തിൽ ഇംഗ്ലണ്ടാണ് ഇന്ത്യയുടെ എതിരാളികൾഅണ്ടർ 19 വനിതാ ടി20 ലോകകപ്പ് ഫൈനൽ ഇന്ന്. പോച്ചഫ്സ്ട്രൂമിലെ സെവൻസ് പാർക്കിൽ ഇന്ത്യൻ സമയം വൈകീട്ട് 5:15നാണ് മത്സരം.

ന്യൂസിലൻഡിനെതിരായ സെമിഫൈനൽ പോരാട്ടത്തിൽ 8 വിക്കറ്റിൻ്റെ വമ്പൻ വിജയം സ്വന്തമാക്കിയാണ് ഇന്ത്യ ഫൈനലിലെത്തിയത്. ഇന്ത്യൻ സീനിയർ ടീമിലെ പ്രധാനതാരം കൂടിയായ ഷെഫാലി വർമ്മയാണ് ഇന്ത്യൻ നിരയെ നയിക്കുന്നത്. കിരീടം സ്വന്തമാക്കാനായാൽ വനിതാ ടീമിൻ്റെ ആദ്യ ലോകകപ്പ് കിരീടമാകും ഇത്. നേരത്തെ ഇന്ത്യൻ സീനിയർ ടീം 2 തവണ ഏകദിന ലോകകപ്പ് ഫൈനലിലും ഒരു തവണ ടി20 ലോകകപ്പ് ഫൈനലിലും എത്തിയെങ്കിലും കിരീടം സ്വന്തമാക്കാനായിരുന്നില്ല. സ്റ്റാർ സ്പോർട്സിൽ ഇന്നത്തെ മത്സരം തത്സമയം കാണാവുന്നതാണ്.