ബാറ്റിങ്ങിൽ അൽപം 'കോലി' കൂടി ചേർത്താൽ പന്തും, സഞ്ജുവും വേറെ ലെവൽ താരങ്ങൾ: മഞ്‌ജരേക്കർ

ഇന്ത്യൻ ക്രിക്കറ്റിന്റെ ഭാവി വാഗ്‌ദാനങ്ങളാണ് സഞ്ജു സാംസണും ഋഷഭ് പന്തുമെന്ന് മുൻ ഇന്ത്യൻ താരവും കമന്റേറ്ററുമായ സഞ്ജയ് മഞ്‌ജരേക്കർ. ഇന്ത്യൻ ക്രിക്കറ്റിന്റെ ഭാവി ബ്രിഗേഡിൽ ഉൾപ്പെടുന്ന രണ്ട് താരങ്ങൾക്കും അസാമാന്യമായ കരുത്തും പ്രതിഭയുമുണ്ട്. ക്യാപ്‌റ്റൻ വിരാട് കോലിയുടെ മനോഭാവത്തിന്റെ ചെറിയൊരു ഡോസ് കൂടി ചേർത്താൽ ഇരുവരും മികച്ച താരങ്ങളാകുമെന്നും മഞ്ജരേക്കർ അഭിപ്രായപ്പെട്ടു. ന്യൂസിലൻഡിനെതിരായ അഞ്ചാം മത്സരത്തിലും ഇന്ത്യ വിജയിച്ചതോടെയാണ് മഞ്ജരേക്കറുടെ പ്രതികരണം.