ഇന്ത്യക്കെതിരായ ടി20 ടെസ്റ്റ് പരമ്പരകൾ മുന്നിൽ നിൽക്കെ ഓസീസിന് പരിക്ക് തലവേദനയാകുന്നു. ഏകദിന പരമ്പരയിലെ രണ്ടാം മത്സരത്തിൽ പരിക്കേറ്റ ഡേവിഡ് വാർണർക്ക് വരാനിരിക്കുന്ന ടെസ്റ്റ് പരമ്പരയും നഷ്ടമായേക്കുമെന്നാണ് ഇപ്പോൾ പുറത്തുവരുന്ന റിപ്പോർട്ടുകൾ.
അദ്ദേഹത്തിന്റെ പരിക്ക് ഗുരുതരമാണ്. വളരെയധികം വേദന അദ്ദേഹം അനുഭവിക്കുന്നുണ്ട്. ഇന്ത്യയ്‌ക്കെതിരായുള്ള ടെസ്റ്റ് പരമ്പര നഷ്ടപ്പെടുത്തുവാൻ വാർണർ ഒട്ടും ആഗ്രഹിക്കുന്നില്ല. വാർണറുടെ പരിക്കിനെ പറ്റി ഭാര്യ കാന്‍ഡിസ് പറഞ്ഞു. രണ്ടാം ഏകദിനത്തിൽ ഇന്ത്യ ബാറ്റ് ചെയ്യുന്നതിനിടെ നാലാം ഓവറില്‍ ശിഖര്‍ ധവാന്‍ മിഡ് ഓഫിലേക്ക് പായിച്ച ഷോട്ട് തടുക്കാന്‍ വാര്‍ണര്‍ നടത്തിയ ഡൈവാണ് പരിക്കിന് കാരണമായത്.
പരിക്ക് പൂർണമായും ഭേദമായില്ലെങ്കിൽ വാർണർക്ക് ഇന്ത്യക്കെതിരായ ടെസ്റ്റ് പരമ്പരയും നഷ്ടമാകും.അങ്ങനെ എങ്കില്‍ രണ്ടു വലംകയ്യന്‍ ഓപ്പണര്‍മാരെയുംകൊണ്ട് ഇന്നിങ്സ് തുടങ്ങാന്‍ ഓസ്ട്രേലിയന്‍ ടീം മാനേജ്മെന്റ് നിര്‍ബന്ധിതരാകും. കഴിഞ്ഞ രണ്ടു പതിറ്റാണ്ടിനിടെ ഒരിക്കല്‍പ്പോലും ഇടംകയ്യന്‍ ഓപ്പണറില്ലാതെ ഓസ്ട്രേലിയ രാജ്യാന്തര ടെസ്റ്റിന് ഇറങ്ങിയിട്ടില്ല.
