ഒരു ഫോറും സിക്‌സും അടിച്ചിരുന്നെങ്കില്‍ രാഹുലിന് സെഞ്ചുറി സ്വന്തമാക്കാമായിരുന്നു. ഓസ്‌ട്രേലിയന്‍ നായകന്‍ പാറ്റ് കമ്മിന്‍സ് എറിഞ്ഞ പന്തില്‍ ഫോര്‍ നേടാനായിരുന്നു രാഹുലിന്റെ ശ്രമം. അതിനുശേഷം ഒരു സിക്‌സ് കൂടി അടിച്ചാല്‍ ഇന്ത്യയുടെ നെറ്റ് റണ്‍റേറ്റ് ഉയരുകയും രാഹുലിന് സെഞ്ചുറി തികയ്ക്കാന്‍ സാധിക്കുകയും ചെയ്യുമായിരുന്നു. ഫോറിന് വേണ്ടിയുള്ള എക്‌സ്ട്രാ കവര്‍ ഡ്രൈവ് സിക്‌സായാണ് കലാശിച്ചത്. ഇത് ഇന്ത്യ കളി ജയിക്കാന്‍ കാരണമായി. ആ ഷോട്ട് സിക്‌സ് ആയതോടെ രാഹുല്‍ ക്രീസില്‍ ഇരിക്കുന്നതും കുറച്ച് കഴിഞ്ഞ് ചിരിക്കുന്നതും വീഡിയോയില്‍ കാണാം.