കുടുംബ കലഹം: ഭാര്യയേയും സഹോദരിയേയും വെടിവെച്ച ശേഷംകമാൻഡോ ആത്മഹത്യ ചെയ്തു
ഭാര്യയേയും സഹോദരിയേയും വെടിവച്ച ശേഷം എൻഎസ്ജി കമാൻഡോ ജീവനൊടുക്കി
ഭാര്യയേയും സഹോദരിയേയും വെടിവച്ച ശേഷം എൻഎസ്ജി കമാൻഡോ സ്വയം വെടിയുതിർത്ത് ജീവനൊടുക്കി. ഹരിയാനയിലെ മനേസർ ക്യാമ്പില്‍ കഴിഞ്ഞദിവസമായിരുന്നു സംഭവം. ബിഎസ്എഫിലെ എഎസ്ഐയായ കാൺപുർ സ്വദേശി ജിതേന്ദ്ര യാദവാണ് ജീവനൊടുക്കിയത്.
മനേസർ ക്യാമ്പിലെ 42 ാം നമ്പർ ഫ്ളാറ്റിലായിരുന്നു ജിതേന്ദ്രയും കുടുംബവും താമസിച്ചിരുന്നത്. വെടിയൊച്ച കേട്ട് സഹപ്രവർത്തകർ ഫ്ളാറ്റിലേക്കെത്തുമ്പോള്‍ ജിതേന്ദ്രയും ഭാര്യ ഗുദാനും അവരുടെ സഹോദരി ഖുശ്ബുവും (18) രക്തത്തിൽ കുളിച്ച് കിടക്കുന്നതാണ് കണ്ടത്.
കുടുംബ കലഹത്തെ തുടർന്നാണ് ജിതേന്ദ്ര ഭാര്യയേയും സഹോദരിയേയും സർവീസ് റിവോൾവർ ഉപയോഗിച്ച് വെടിവെച്ചത്. തുടര്‍ന്നാണ് അദ്ദേഹം തലയിലേക്ക് സ്വയം നിറയൊഴിച്ച് ജീവനൊടുക്കിയത്. വയറ്റിൽ വെടിയേറ്റ ഗുദാനും ഖുശ്ബുവും ഗുരുതര പരിക്കുകളോടെ ചികിത്സയിലാണ്.
