Publish Date: Fri, 27 Apr 2018 (15:27 IST)
Updated Date: Fri, 27 Apr 2018 (15:33 IST)
ഇന്ത്യക്കാരിയായ യുവതിയുടെ മൃതദേഹം ഷാർജയിലെ വീടിനകത്ത് കുഴിച്ചു മൂടിയ നിലയിൽ കണ്ടെത്തി. ഷാർജയിലെ മൈസലൂണിലാണ് വീടിനകത്തു കുഴിച്ചു മൂടിയ നിലയിൽ മൃതദേഹം കണ്ടെത്തിയത്. മുപ്പത്തിയാറുകാരിയായ യുവതിയുടെ ഭർത്താവ് കൊന്ന് കുഴിച്ചു മൂടിയതാണ് എന്നാണ് പൊലീസിന്റെ പ്രാധമിക നിഗമനം. ഇയാൾ ഇപ്പോൾ നാട്ടിലാണ് എന്നാണ് സൂചന.
സംഭവം നടന്ന് ഒരു മാസത്തിനു ശേഷമാണ് യുവതിയൂടെ മൃതദേഹം കണ്ടെത്തുന്നത്. സഹോദരിയെക്കുറിച്ച് വിവരൊമൊന്നുമില്ലാത്ത സാഹചര്യത്തിൽ യുവതിയുടെ സഹോദരൻ ഷാർജയിലെത്തുകയും പൊലിസിൽ പരാതി നൽകുകയും ചെയ്തിരുന്നു. ഇതിനെ തുടർന്ന് പൊലീസ് നടത്തിയ പരിശോധനയിലാണ് വീടിന്റെ ഒരു ഭാഗത്ത് ടൈൽസ് ഇളകി കിടക്കുന്നതായി കണ്ടത്. തുടർന്ന് ഈ ഭാഗത്തു നിന്നും പൊലീസ് മൃതദേഹം കണ്ടെത്തുകയായിരുന്നു.
അഴുകിയ നിലയിലാണ് മൃതദേഹം കണ്ടെത്തിയത്. മൃതദേഹം ഫൊറൻസിക് പരിശോധനക്കായി സൂക്ഷിച്ചിരിക്കുകയാണ്. കണ്ടെത്തിയത് തന്റെ സഹോദരിയുടെ തന്നെ മൃതദേഹമാണെന്ന് സഹോദരൻ തിരിച്ചറിഞ്ഞിട്ടുണ്ട്
നാട്ടിലേക്ക് മടങ്ങും മുൻപ് ഭർത്താവ് വീടിനു മുൻപിൽ വാടകക്ക് എന്ന് ബോർഡ് സ്ഥാപിച്ചിരുന്നു രണ്ട് മക്കളേയും കൂട്ടിയാണ് ഇയാൾ നാട്ടിലേക്കു കടന്നതെന്നാണ് കരുതുന്നത്. ഇയാൾക്ക് രണ്ട് ഭാര്യമാരുള്ളതായും കുടുംബപ്രശ്നങ്ങളാണ് കൊലപാതകത്തിനു കാരണം എന്നുമാണ് പൊലീസിന്റെ പ്രാധമിക നിഗമനം.
