സെൽമ( ഡെല്ലാസ് കൺ‌ട്രി): തർക്കത്തെ തുടർന്ന് ഭാര്യ ഭർത്താവിനെ വെടിവച്ചു കൊലപ്പെടുത്തി. സെൽമ നഗരത്തിലെ ചർച്ച് സ്ട്രീറ്റ് 2100 ബ്ലോകിലാണ് സംഭവം ഉണ്ടായത്. കാൾ ഡിക്സൺ എന്നയാളെയാണ് ഭാര്യയായ ജാക്യിലിൻ ഡിക്സൺ വെടിവെച്ച് കൊന്നത്.
ഇരുവരും വിവാഹ ബന്ധത്തിലെ തകരാറുകൾ മൂലം കഴിഞ്ഞ രണ്ട്‌ വർഷമായി അകന്നാണ് കഴിഞ്ഞിരുന്നത്. എന്നാൽ ഈയടുത്ത് വീണ്ടും ഇരുവരും ഒന്നിക്കാൻ തീരുമാനിച്ചിരുന്നു. ഇതിനിടെ വെയിസ് ബാസ്കറ്റിൽ നിന്നും ഉപയോഗിച്ച കോണ്ടം ഭർത്താവ് കാൾ ഡിക്സൺ കണ്ടെത്തിയതാണ് പ്രശ്നങ്ങളുടെ തുടക്കം.
ഭാര്യ തന്നെ വഞ്ചിക്കുകയാണെന്ന് സ്വയം കരുതിയ കാൾ ഡിക്സൺ ഭാര്യയെ ആക്രമിക്കാൻ തുടങ്ങുകയായിരുന്നു. ഇതോടെ ഭാര്യ ജാക്യിലിൻ ഡിക്സൺ ഭർത്താവിന്ര് നേരെ നിറയൊഴിച്ചു. നെഞ്ചിൽ വെടിയേറ്റ ഇയാൾ ഉടൻ തന്നെ മരിച്ചു. തന്നെ അക്രമിക്കാൻ തുനിഞ്ഞതിനാലാണ് ഭാർത്താവിനു നേരെ വെടിയുതിർത്തത് എന്നാണ് ഇവർ പൊലീസിൽ മൊഴി നൽകിയിരിക്കുന്നത്.
വെടിവച്ച് കൊലപ്പെടുത്തിയ ശേഷം ജാക്യിലിൻ തന്നെ പൊലീസിൽ വിവരം അറിയിക്കുകയാ‍യിരുന്നു. കൊലപാതകത്തിന് സാക്ഷികൾ ആരും ഉണ്ടായിരുന്നില്ല. ജാക്യിലിൻ അന്വേഷണത്തോട് സഹകരിക്കുന്നുണ്ടെന്നും സംഭവം കൊലപാതക ആണോ അതോ സ്വയരക്ഷക്കായി വെടിയുതിർത്തതാണോ എന്ന് കൂടുതൽ അന്വേഷനത്തിനു ശേഷമേ പറയാനാകു എന്നും പൊലീസ് വ്യക്തമാക്കി.
