ഗുരുഗ്രാം; മൂന്ന് വയസുകാരിയെ അതിക്രൂരമായി 20കാരൻ ബലാത്സംഗം ചെയ്ത് കൊലപ്പെടുത്തി. ഹരിയാനയിലെ ഗുരുഗ്രാമിലാണ് രാജ്യത്തെ ഞെട്ടിച്ച ക്രൂര പീഡനം നടന്നത്. രക്തത്തിൽ കുളിച്ചനിലയിലാണ് പെൺകുട്ടിയുടെ മൃതദേഹം കണ്ടെത്തിയത്. ഗ്രാമത്തിൽ താമസക്കാരിയായ യുവതിയുടെ സഹോദരനാണ് പെൺകുട്ടീ ക്രൂരമായി പീഡിപിച്ച് കൊലപ്പെടുത്തിയത്.
സഹോദരിയെ കാണുന്നതിനായി ഇയാൽ കുറച്ചുദിവസങ്ങൾക്ക് മുൻപാണ് ഗ്രാമത്തിലെത്തുന്നത്. പെൺകുട്ടിയുടെ വീടിനോട് ചേർന്നാണ് പ്രതിയുടെ സഹോദരിയുടെയും വീട്. പുറത്ത് മറ്റു കുട്ടികളോടൊപ്പം കളിക്കുകയായിരുന്ന കുട്ടിയെ ഇയാൾ ചോക്ലേറ്റ് വാങ്ങിത്തരാമെന്ന് പറഞ്ഞ് കൂട്ടിക്കൊണ്ടുപോവുകയായിരുന്നു.
പെൺകുട്ടിയുടെ സ്വകാര്യഭാഗത്ത് പത്ത് സെന്റീമീറ്ററോളം ആഴത്തിൽ വടി കുത്തിയിറക്കിയതായി പോസ്റ്റ്മോർട്ടം റിപ്പോർട്ടിൽ പറയുന്നു. തലക്കേറ്റ ക്ഷതത്തെ തുടർന്നുണ്ടായ ആന്തരിക രക്തശ്രാവമാണ് കുട്ടിയുടെ മരണകാരണം. സംഭവത്തിൽ പൊലീസ് വിശദമായ അന്വേഷണം ആരംഭിച്ചു. പെൺകുട്ടിയെ പീഡനത്തിനിരയാക്കിയ ശേഷം പ്രതി കല്ലുകൊണ്ട് തലക്കടിച്ച് കൊലപ്പെടുത്തുകയായിരുന്നുവെന്ന് പൊലീസ് പറയുന്നു
