Publish Date: Wed, 22 Apr 2020 (12:12 IST)
Updated Date: Wed, 22 Apr 2020 (12:18 IST)
ബൈക്കില് സഞ്ചരിക്കുകയായിരുന്ന യൂത്ത് കോണ്ഗ്രസ് പ്രവര്ത്തകന് വെട്ടേറ്റു. ഇലിപ്പക്കുളം കോട്ടക്കകത്ത് സുഹൈലിനാണ്(23) വെട്ടേറ്റത്. ചൊവ്വാഴ്ച രാത്രി 9 മണിക്കടുത്ത് മങ്ങാരം ജങ്ഷനില് വച്ച് ബൈക്കിലെത്തിയ രണ്ടംഗ സംഘമാണ് ആക്രമണം നടത്തിയത്.
കഴുത്തിന് ഗുരുതരമായി പരുക്കേറ്റ സുഹൈലിനെ വണ്ടാനം മെഡിക്കല് കോളേജില് പ്രവേശിപ്പിച്ചു. മണ്ഡലം പ്രസിഡന്റ് ഇക്ബാലിനൊപ്പം വീട്ടിലേക്ക് മടങ്ങുകയായിരുന്നു സുഹൈല്. ബൈക്ക് ഓടിച്ചിരുന്ന ഇക്ബാലിനെ വെട്ടിയതാണെന്നും ഒഴിഞ്ഞുമാറിയതോടെ സുഹൈലിന്റെ കഴുത്തിന് വെട്ടുകൊള്ളുകയായിരുന്നുവെന്നുമാണ് പറയുന്നത്.
കായംകുളം താലൂക്ക് ആശുപത്രിയിലെ പ്രാഥമിക ചികിത്സയ്ക്ക് ശേഷമാണ് വണ്ടാനം മെഡിക്കല് കോളേജിലേക്ക് മാറ്റിയത്. ആക്രമണത്തിന് പിന്നില് ഡിവൈഎഫ്ഐ പ്രവര്ത്തകരാണെന്ന് യൂത്ത് കോണ്ഗ്രസ് ആരോപിച്ചു.
