ലക്‌നൗ: ഉത്തർപ്രദേശിൽ യുവതിയുടേത് എന്ന് സംശയിയ്ക്കുന്ന മൃതദേഹം വെട്ടിനുറുക്കി വികൃതമാക്കിയ നിലയിൽ കണ്ടെത്തി. മീററ്റില്‍ തിങ്കളാഴ്ച വൈകീട്ടാണ് സംഭവം. ലിസാരി ഗേറ്റ് പൊലീസ് സ്റ്റേഷന്‍ പരിധിയില്‍ ശ്മശാനത്തിന് സമീപമുളള മാലിന്യ നിക്ഷേപ കേന്ദ്രത്തില്‍ ചാക്കിൽകെട്ടി ഉപേക്ഷിച്ച നിലയിലായിരുന്നു മൃതദേഹം. മൃതദേഹം തെരുവുനായ്ക്കൾ ചാക്കിൽനിന്നും വലിച്ചുപുറത്തിട്ട നിലയിലാണ് കണ്ടെത്തിയത്. സംഭവത്തിൽ പൊലീസ് വിശദമായ അന്വേഷണം ആരംഭിച്ചു.
മൃതദേഹത്തിൽനിന്നും അറുത്തുമാറ്റിയ തല കണ്ടെത്തനായിട്ടില്ല. ഇതിനായി പൊലീസ് തിരച്ചിൽ ആരംഭിച്ചിട്ടുണ്ട്. 15 കഷ്ണങ്ങളാക്കി വെട്ടിനുറുക്കി വികൃതമാക്കിയ നിലയിലാണ് മൃതദേഹം കണ്ടെത്തിയത്. കൊലപ്പെടുത്തിയ ശേഷം മൃതദേഹം തിരിച്ചറിയാതിരിയ്ക്കനാകാം വികൃതമാക്കിയത് എന്നാണ് പൊലീസിന്റെ നിഗമനം. സമീപ പ്രദേശത്തെ സിസിടിവി കേന്ദ്രീകരിച്ചാണ് പൊലീസ് അന്വേഷണം പുരോഗമിയ്ക്കുന്നത്.