ജോലിയെടുത്ത് കുടുംബം നോക്കാൻ പറഞ്ഞു, പണം തട്ടിയെടുക്കാൻ അമ്മയെ കൊലപ്പെടുത്തി സോഫയ്ക്കുള്ളിൽ ഒളിപ്പിച്ച് മകൻ

അബുദാബി: പണം തട്ടൊയെടുക്കുന്നതിനായി അമ്മയെ കൊലപ്പെടുത്തിയ ശേഷം മൃതദേഹം സോഫയ്ക്കുള്ളിൽ ഒളിപ്പിച്ച മകൻ അറസ്റ്റിൽ. അബുദാബിയിലാണ് സംഭവം. ഈജിപ്ഷ്യൻ സ്വദേശിയായ യുവാവിനെ റിമാൻഡ് ചെയ്തു. പണം തട്ടിയെടുക്കുന്നതിനായി അമ്മയെ ശ്വാസം മുട്ടിച്ച് കൊലപ്പെടുത്തിയ ശേഷം മൃതദേഹം സോഫയ്ക്കുള്ളിൽ ഒളിപ്പിയ്ക്കുകയായിരുന്നു. മരണം ഉറപ്പാക്കുന്നതിനായി മുഖം പ്ലാസ്റ്റിക് കവർ ഉപയോഗിച്ച് മൂടിക്കെട്ടിയിരുന്നു.  

പണത്തിന്റെ പേരിൽ ഇരുവരും തമ്മിൽ മുൻപും വഴക്കുണ്ടായിട്ടുണ്ട് എന്ന് പൊലീസ് പറയുന്നു. പണം ആവശ്യുപ്പെട്ടതോടെ ജോലിയ്ക്ക് പോയി കുടുംബം നോക്കാൻ അമ്മ മകനോട് പറയുകയായിരുന്നു. ഈ തർക്കമാണ് കൊലപാതകത്തിൽ കലാശിച്ചത്. പിന്നീട് ഇയാൾ പണം മോഷ്ടിച്ചു. സോഫയ്ക്കുള്ളിൽനിന്നും ദുർഗന്ധം വരാൻ തുടങ്ങിയതോടെ അമ്മയെ കാണാനില്ല എന്ന് സഹോദരൻമരെ അറിയിക്കുകയായിരുന്നു. 

തുടർന്ന് സഹോദരൻ പൊലീസിൽ പരാതി നൽകി. ഇതോടെയാണ് മൃതദേഹം കണ്ടെടുത്തത്. മൊബൈല്‍ കേന്ദ്രീകരിച്ച്‌ നടത്തിയ അന്വേഷണത്തിലാണ് മകൻ പിടിയിലാകുന്നത്. പ്രതി പൊലീസിനൊട് കുറ്റം സമ്മതിച്ചു. തെളിവെടുപ്പിനായി സംഭവസ്ഥലത്തെത്തിയ പൊലീസിന് മുന്നില്‍ ഇയാള്‍ കുറ്റകൃത്യം ചെയ്ത രീതി വീണ്ടും വിശദീകരിച്ചു.