തിരുവനന്തപുരത്ത് എസ് ഐക്ക് വെട്ടേറ്റു

തിരുവനന്തപുരത്ത് എസ് ഐക്ക് വെട്ടേറ്റു. ആര്യനാട് എസ് ഐ  അജീഷിനാണ് കയ്യിൽ വെട്ടേറ്റത്. ഇന്ന് രാവിലെയോടെയാണ് സംഭവം. എസ് ഐ യെ അക്രമിച്ച കരിപ്പാലം പ്രഭാകരൻ എന്നയാളെ പൊലീസ് കസ്റ്റഡിയിലെടുത്തിട്ടുണ്ട്.

മീനാങ്കൽ പന്നിക്കുഴിയിൽ തൊഴിലുറപ്പ് തൊഴിലാളികൾ വ്രക്ഷ തൈകൾ നട്ടുപിടിപ്പിക്കുന്നതിടെ ചിലർ തൊഴിലാളികളെ ഭീഷണിപ്പെടുത്തുന്നു എന്ന് വിവരം ലഭിച്ചതിനെ തുടർന്നാണ് എസ് ഐ സംഭവ സ്ഥലത്തെത്തുന്നത്. 

ആ‍യുധങ്ങളുമായി ഭീഷണിപ്പെടുത്തുകയായിരുന്ന അക്രമിയോട് ആയുധം താഴെവെക്കാൻ പൊലീസ് ആവശ്യപ്പെട്ടെങ്കിലും പ്രതി എസ് ഐയെ വെട്ടിപ്പരിക്കേൽപ്പിക്കുകയായിരുനു. എസ് ഐ അജീഷ് ഇപ്പൊൾ അര്യനാട് ആശുപത്രിയിൽ ചികിത്സയിലാണ്.