ആറു വയസ്സുകാരിയെ സ്കൂൾ ടോയിലറ്റിലിട്ട് അധ്യാപകൻ ബലാത്സംഗം ചെയ്തു; അറസ്റ്റ്

വെള്ളിയാഴ്ചയായിരുന്നു സംഭവം.

ആറ് വയസ്സുകാരിയെ അധ്യാപകൻ സ്‌കൂൾ ടോയിലറ്റിലിറ്റ് ബലാത്സംഗം ചെയ്തു. ഉത്തർപ്രദേശിലെ ഒരു സ്വകാര്യവിദ്യാലയത്തിലാണ് സംഭവം. തീൻവാരി പൊലീസ് സ്റ്റേഷൻ പരിധിയിലുള്ള വിദ്യാലയത്തിലാണ് അധ്യാപകന്റെ കണ്ണിലാത്ത ക്രൂരത. വെള്ളിയാഴ്ചയായിരുന്നു സംഭവം.

പെൺകുട്ടിയെ മെഡിക്കൽ പരിശോധനയ്ക്ക് വിധേയമാക്കി. പ്രതിയായ അധ്യാപകനെ പൊലീസ് അറസ്റ്റ് ചെയ്തു. അമ്മയുടെ പരാതിയിൽ പൊലീസ് കേസ് രജിസ്റ്റർ ചെയ്തെന്ന് സർക്കിൾ ഓഫീസർ ഓം പ്രകാശ് പറഞ്ഞു. 

പെൺകുട്ടിയുടെ അകന്ന ബന്ധുവാണ് പ്രതിയായ അധ്യാപകൻ. ക്ലാസ് കഴിഞ്ഞതിന് പിന്നാലെ സ്കൂളിൽ തുടരാൻ പെൺകുട്ടിയോടും സഹോദരനോടും ഇയാൾ ആവശ്യപ്പെട്ടു. ഇതിന് പിന്നാലെ സഹോദരനെ അടുത്ത കടയിൽ മിഠായി വാങ്ങാൻ പറഞ്ഞയച്ചു. ആസമയത്താണ് സ്കൂളിലെ ടോയിലറ്റിനകത്തിട്ട് അധ്യാപകൻ ബലാത്സംഗം ചെയ്യുകയായിരുന്നു.

സഹോദരൻ തിരിച്ചുവന്നപ്പോൾ ടോയിലറ്റിൽ നിന്ന് പെൺകുട്ടിയുടെ നിലവിളി കേട്ട് ഡോർ തുറന്നുനോക്കിയപ്പോൾ പ്രതി ഓടി രക്ഷപെടുകയായിരുന്നു. വീട്ടിലെത്തിയ പെൺകുട്ടി അമ്മയോട് കാര്യങ്ങൾ തുറന്നു പറയുകയും അമ്മ പൊലീസിൽ അറിയിക്കുകയുമായിരുന്നു.