മന്ത്രവാദിയുമായി ലൈംഗിക ബന്ധത്തിലേര്‍പ്പെടാന്‍ വിസമ്മതിച്ച യുവതിയെ ഭര്ത്താവ് നദിയില്‍ മുക്കിക്കൊന്നു. ഉത്തര്‍പ്രദേശിലെ അലിഗഡിലാണ്‌ സംഭവം. ഭര്ത്താവ് മാന്പാല്, മന്ത്രവാദി സാന്തദാസ്‌ ദുര്‍ഗാദാസ് എന്നിവരെ പൊലീസ് അറസ്‌റ്റ് ചെയ്‌തു.
മന്ത്രവാദിയുമായി ലൈംഗികബന്ധത്തിന് ഭാര്യയെ മാന്പാല് നിര്‍ബന്ധിച്ചിരുന്നു. ഇക്കാര്യം പറഞ്ഞ് ഇരുവരും തമ്മില്‍ വഴക്ക് പതിവായിരുന്നു. ശല്യം സഹിക്കാന്‍ കഴിയാതെ വന്നതോടെ ഈ വിവരം യുവതി സഹോദരനെ അറിയിച്ചിരുന്നു.
മാന്‍‌പാലുമായുള്ള സഹോദരിയുടെ പ്രശ്‌നം പരിഹരിക്കാന്‍ സഹോദരന്‍ വ്യാഴാഴ്‌ച വീട്ടില്‍ ചെന്നിരുന്നു. എല്ലാവരും സന്തോഷത്തോടെയാണ് അന്ന് പിരിഞ്ഞത്. എന്നാല്‍, സഹോദരന്‍ വീട്ടില്‍ നിന്ന് പോയ ഉടന്‍ മാന്പാല് വീടിന്‌ സമീപത്തുള്ള നദിയിലേക്ക് ഭാര്യയെ ബലമായി പിടിച്ചുകൊണ്ടു പോയി മുക്കിക്കൊല്ലുകയായിരുന്നു.
കൊലപാതകം കണ്ട മകനെ മാന്പാല് ഭീഷണിപ്പെടുത്തി. അമ്മയെ രക്ഷിക്കാന്‍ ശ്രമിച്ചാല്‍ കൊലപ്പെടുത്തുമെന്ന്‌ മകനെയും ഇയാള്‍ ഭീഷണിപ്പെടുത്തി. ഈ സമയം സാന്തദാസ്‌ ദുര്‍ഗാദാസും ഒപ്പമുണ്ടായിരുന്നു. യുവതി മരിച്ചുവെന്ന് വ്യക്തമായതോടെ ഇരുവരും പുഴ നീന്തിക്കടന്ന് ബദാവുന്‍ ജില്ലയിലേക്ക്‌ രക്ഷപ്പെടുകയും ചെയ്‌തു.
യുവതിയുടെ സഹോദരന്‍ നല്‍കിയ പരാതിയിലാണ് മാന്‍‌പാലും സാന്തദാസ്‌ ദുര്‍ഗാദാസും പിടിയിലായത്. മന്ത്രവാദി ക്രിമിനല്‍ പശ്ചാത്തലമുള്ള വ്യക്തിയാണെന്നും കഴിഞ്ഞവര്‍ഷം മയക്ക് മരുന്ന് കേസില്‍ പിടിയിലായ വ്യക്തി കൂടിയാണെന്ന് പൊലീസ് പറഞ്ഞു.
