മുടികൊഴിച്ചിൽ തടയാൻ പേരയില, ഔഷധക്കൂട്ട് ഇങ്ങനെ

പേരയ്ക്കയുടെ ഗുണങ്ങളെക്കുറിച്ച് നാമെല്ലാവരും ബോധവാന്മാർ ആയിരിക്കും. മുടിക്കും ആരോഗ്യത്തിനും പേരയില ഉത്തമമാണ്. പേരയിലകളിൽ അടങ്ങിയിരിക്കുന്ന വിറ്റാമിൻ ബി യാണ് മുടിയിഴകൾക്ക് ഉത്തമം. ആരോഗ്യമുള്ള മുടിക്ക്, അതിന്റെ വളർച്ചയ്ക്ക് വിറ്റാമിൻ ബി ഏറെ ആവശ്യകരമാണ്. അതിനാലാണ് പേരയില കൊണ്ടുള്ള ഔഷധം/എണ്ണ കുട്ടികൾക്കായി അമ്മമാർ ഉണ്ടാക്കി നൽകുന്നത്. 

പേരയില കഷായം തയ്യാറാക്കുന്നത് എങ്ങനെയെന്ന് നോക്കാം:

ഒരു ലിറ്റർ വെള്ളമെടുത്ത് അതിലേക്ക് നന്നായി കഴുകിയ പേരയില ഒരു കൈക്കുമ്പിൾ നിറയെ എടുത്തിടുക. ഇവ രണ്ടും ചേർത്ത് 20 മിനിറ്റോളം തിളപ്പിക്കുക. ശേഷം അടുപ്പിൽ നിന്നും മാറ്റിവെച്ച് തണുക്കുന്നത് വരെ കാത്തിരിക്കുക. ഈ ഔഷധം തലയോട്ടിയിൽ നന്നായി തേച്ച് പിടിപ്പിക്കുക. ഒരു മണിക്കൂറിനു ശേഷം ഷാംപൂ ഉപയോഗിച്ച് തണുത്ത വെള്ളത്തിൽ നന്നായി കഴുകി കളയാം.