ഈ ചിത്രം കണ്ട് പ്രേക്ഷകർ ഞെട്ടിത്തരിക്കണം: സുശി ഗണേഷൻ

പ്രേക്ഷകരെ ഞെട്ടിക്കാൻ അമല പോൾ

അമല പോൾ, ബോബി സിൻഹ, പ്രസന്ന എന്നിവർ പ്രധാന വേഷങ്ങളിൽ എത്തുന്ന ചിത്രമാണ് തിരുട്ടുപയലേ 2. നവംബർ 30നു ചിത്രം തിയേറ്ററുകളിൽ എത്തുകയാണ്. ചിത്രത്തെ കുറിച്ച് കൂടുതലൊന്നും വെളിപ്പെടുത്തുകയില്ലെന്നും ഈ ചിത്രം കണ്ട് തിയേറ്ററിൽ പ്രേക്ഷകർ ഞെട്ടണമെന്നും സംവിധായകൻ സുശി ഗണേഷൻ പറയുന്നു. 

ചിത്രത്തിന്റെ പ്രമോഷന് വേണ്ടി ഒരു പുതിയ ടീസര്‍ ഞങ്ങള്‍ ഇറക്കുന്നുണ്ട്. ഇറോട്ടിക്ക് ത്രില്ലറായ ചിത്രം പ്രേക്ഷകർക്ക് മികച്ച അനുഭവമാണ് നൽകുക. തിരുട്ടുപയലേ ആദ്യ ഭാഗവും രണ്ടാംഭാഗവും തമ്മില്‍ ഒരു സാമ്യമുണ്ട്. രണ്ട് ചിത്രങ്ങളും ഒരാള്‍ മറ്റൊരാളുടെ സ്വകാര്യത ഉപയോഗിക്കുമ്പോഴുണ്ടാകുന്നതിന്റെ അനന്തരഫലമാണ് കൈകാര്യം ചെയ്യുന്നത്. - സംവിധായകൻ പറയുന്നു.

സുശി ഗണേഷന്‍ തന്നെയാണ് ചിത്രത്തിന് തിരക്കഥ ഒരുക്കുന്നത്. എജിസ് എന്റര്‍ടൈമെന്റ്‌സിന്റെ ബാനറിലാണ് ചിത്രം നിര്‍മിക്കുന്നത്. റിലീസിനു മുന്നേതന്നെ വാർത്തകളിൽ ഇടംപിടിച്ചിരിക്കുകയാണ് ചിത്രം.