എല്ലാം മഞ്ജുവിന്റെ തലയിലിടാനുള്ള നീക്കം? ഒടിയനെതിരെ ‘ഒടി’ വെച്ചത് ദിലീപോ? - ശ്രീകുമാർ മേനോന്റെ ലക്ഷ്യമിതോ?

ഒടിയനെ കൂവിത്തോൽപ്പിക്കാൻ സാധിക്കില്ലെന്നും ഒടിയനെതിരെ പ്രചരണം നടക്കുന്നത് മഞ്ജു വാര്യർ നായിക ആയതിനാലാണെന്നും മഞ്ജുവിന്റെ പേരിൽ എല്ലാവരും തന്നെ ആക്രമിക്കുകയാണെന്നും ചിത്രത്തിന്റെ സംവിധായകൻ വിഎ ശ്രീകുമാർ മേനോൻ.

സിനിമയ്‌ക്കെതിരായി സൈബർ ആക്രമണം നടത്തുന്നതിനു പിന്നില്‍ ആരാണെന്ന് അറിയില്ല. ഇക്കാര്യത്തില്‍ തെളിവ് ലഭിക്കാത്തതിനാൽ വ്യക്തിപരമായ ആരോപണം ഉന്നയിക്കുന്നില്ലെന്നും സംവിധായകന്‍ പറഞ്ഞു. മഞ്ജു വാര്യരെ സഹായിക്കാൻ തുടങ്ങിയ കാലം മുതൽ ആരംഭിച്ച ആക്രമണമാണ് ഇപ്പോഴും തുടരുന്നത്.  

അതേസമയം, സിനിമ ഇഷ്ടമാകാതെ വരികയും അത് വെളിപ്പെടുത്തുകയും ചെയ്യുമ്പോൾ അതെങ്ങനെ അക്രമം ആകുമെന്നും സോഷ്യൽ മീഡിയ ചോദിക്കുന്നു. സിനിമയിൽ അഭിനയിച്ചവരെ ആരും മോശം പറഞ്ഞിട്ടില്ലെന്നിരിക്കെ അക്രമണം മഞ്ജുവിനെ ബേസ് ചെയ്താണെന്ന് സംവിധായകൻ എങ്ങനെ ഉറപ്പിച്ച് പറയുന്നുവെന്നും ചോദ്യമുയരുന്നുണ്ട്. 

സിനിമയ്ക്കെതിരെ ഉയരുന്ന വിമർശനം മഞ്ജുവിന്റെ തലയിൽ കെട്ടിവെയ്ക്കാനുള്ള മാർഗമാണ് സംവിധായകൻ നോക്കുന്നതെന്നും പരോക്ഷമായി ദിലീപിലേക്കാണ് സംവിധായകൻ വിരൽ ചൂണ്ടുന്നതെന്നും വിമർശനം ഉയരുന്നുണ്ട്.