മരിക്കുന്നതിനു മുന്‍പ് മണിയുടെ പാഡിയില്‍ പോയിരുന്നു? ‘ഇക്കാര്യത്തില്‍ മറയ്ക്കാനൊന്നുമില്ല‘ - അഞ്ജു പറയുന്നു
മരിക്കുന്നതിന്റെ തലേദിവസം മണിയുടെ പാഡിയില്‍ പോയിരുന്നു? - അഞ്ജു വെളിപ്പെടുത്തുന്നു
മലയാളത്തിന്റെ പ്രിയനടന്‍ കലാഭവന്‍ മണിയുടെ മരണത്തിലെ ദുരൂഹത ഇതുവരെ അവസാനിച്ചിട്ടില്ല. മണിയുടെ മരണശേഷം പലതരത്തിലുമുള്ള അഭ്യൂഹങ്ങള്‍ ഉയര്‍ന്നിരുന്നു. നിരവധി പ്രമുഖരുടെ പേരുകള്‍ വരെ വലിച്ചിഴയ്ക്കപ്പെട്ടു. അക്കൂട്ടത്തില്‍ നടി അഞ്ജു അരവിന്ദിന്റേയും പേരുണ്ടായിരുന്നു. ഇപ്പോഴിതാ, വിവാദങ്ങള്‍ക്ക് മറുപടിയുമായി എത്തിയിരിക്കുകയാണ് നടി.
‘അന്ന് പാഡിയില്‍ ഉണ്ടായിരുന്നുവെന്ന് പറയപ്പെടുന്ന നടി ഞാനല്ല. മണിച്ചേട്ടനുമായി എനിക്ക് അടുത്ത ബന്ധമാണുള്ളത്. കൊച്ചിയില്‍ സ്വന്തമായി ഒരു ഫ് ളാറ്റ് വാങ്ങിയപ്പോള്‍ എന്നെ സഹായിച്ചത് അദ്ദേഹമാണ്. സിനിമയില്‍ അവസരം കുറഞ്ഞതോടെ ലോണ്‍ അടയ്ക്കാന്‍ ബുദ്ധിമുട്ടായി. ഈ കാര്യങ്ങളെല്ലാം ഞാന്‍ മണിച്ചേട്ടനോട് പറഞ്ഞിരുന്നു.’ - നടി പറയുന്നു.
‘എന്റെ വിഷമങ്ങള്‍ മനസ്സിലാക്കിയ അദ്ദേഹം ചില ഷോകളില്‍ എനിക്ക് അവസരം നല്കി. ഇക്കാര്യത്തില്‍ മറയ്ക്കാനൊന്നുമില്ല. ഞങ്ങള്‍ ഒന്നിച്ചാണ് അക്ഷരമെന്ന ചിത്രത്തിലൂടെ അഭിനയലോകത്തെത്തുന്നത്. അതുകൊണ്ടാകാം വിവാദങ്ങളില്‍ എന്റെ പേരു വലിച്ചിഴയ്ക്കപ്പെട്ടത്. അദ്ദേഹത്തിനു അസുഖമുണ്ടായിരുന്ന കാര്യം അറിയില്ലായിരുന്നുവെന്നും അഞ്ജു പറയുന്നു.
