ലാല്‍ എത്തിയില്ല, ചടങ്ങില്‍ പങ്കെടുക്കാതെ മമ്മൂട്ടി മടങ്ങി!

ലാല്‍ വന്നില്ല, മമ്മൂട്ടി ചടങ്ങില്‍ പങ്കെടുത്തില്ല!

തുടക്കം മുതല്‍ ഒടുക്കം വരെ വിരസതയോ ബോറിങ്ങോ ഇല്ലാതെ കണ്ടിരിക്കാവുന്ന ഷാഫി ചിത്രമായിരുന്നു ‘തൊമ്മനും മക്കളും’. മമ്മൂട്ടി, ലാല്‍, രാജന്‍‌ പി ദേവ് എന്നിവരെ പ്രാധാന കഥാപാത്രമാക്കി ഷാഫി സംവിധാനം ചെയ്ത ചിത്രം ആ വര്‍ഷത്തെ മികച്ച ഹിറ്റുകളില്‍ ഒന്നായിരുന്നു. 

ബോക്സ് ഓഫീസിനെ ഇളക്കിമറിച്ച ചിത്രത്തിന്റെ നൂറാം ദിവസത്തെ ആഘോഷത്തില്‍ പക്ഷേ ലാലും മമ്മൂട്ടിയും പങ്കെടുത്തില്ല. അതിനു കാരണം ലാലായിരുന്നു. മറ്റുചില തിരക്കുകള്‍ കാരണം ലാലിന് ആഘോഷത്തില്‍ പങ്കെടുക്കാന്‍ കഴിഞ്ഞില്ല. ഇതറിഞ്ഞ മമ്മൂട്ടിയ്ക്ക് വളരെ വിഷമമായി. ലാലില്ലെങ്കില്‍ ഞാനുമില്ലെന്ന് പറഞ്ഞ് മമ്മൂട്ടിയും ചടങ്ങില്‍ പങ്കെടുത്തില്ലത്രേ. വെള്ളിനക്ഷത്രമാണ് ഇക്കാര്യം റിപ്പോര്‍ട്ട് ചെയ്തിരിക്കുന്നത്.

തൊമ്മന്റെ ഒരു മകനില്ലാതെ ഇങ്ങനെ ഒരു ആഘോഷം സംഘടിപ്പിക്കുന്നതില്‍ കാര്യമില്ലെന്ന് പറഞ്ഞ് മമ്മൂട്ടി പരിപാടി പങ്കെടുക്കാതെ മടങ്ങുകയായിരുന്നു. തൊമ്മനിലെ കഥാപാത്രങ്ങള്‍ക്കൊന്നും കൃത്യമായ വേരുകളില്ലെന്നും അപ്പൂപ്പന്‍താടി പോലെ പറന്നുനടക്കുന്ന ആ കഥാപാത്രങ്ങള്‍ എവിടെയത്തിച്ചേരുന്നോ അവിടെ പുതിയൊരു കഥ ജനിക്കുമെന്നും ലാല്‍ അഭിമുഖങ്ങളിലൊക്കെ പറഞ്ഞിരുന്നു.