'369', വണ്ടി ആരുടെ ആണെന്ന് മനസ്സിലായോ? 'ഓസ്ലര്‍' സെറ്റിലെ സന്തോഷം പങ്കുവെച്ച് നടന്‍ സെന്തില്‍ കൃഷ്ണ

Senthil Krishna

വാഹനങ്ങളോടും ഡ്രൈവിംഗിനോടുമുള്ള മമ്മൂട്ടിയുടെ ഇഷ്ടം എല്ലാവര്‍ക്കും അറിയാവുന്നതാണ്.369 എന്ന നമ്പര്‍ കണ്ടാല്‍ തന്നെ ഉറപ്പിക്കാം അത് മമ്മൂട്ടിയുടെ വാഹനമാണെന്ന്. സിനിമ പ്രവര്‍ത്തകര്‍ക്കിടയിലും മമ്മൂട്ടിയുടെ വണ്ടികള്‍ക്ക് ഫാന്‍സ് ഉണ്ട്. മെഗാസ്റ്റാറിന്റെ അടുത്ത് നിന്ന് ഫോട്ടോ എടുക്കുന്ന പോലെ അദ്ദേഹത്തിന്റെ വാഹനങ്ങള്‍ക്ക് ഒപ്പം നിന്ന് ചിത്രങ്ങള്‍ പകര്‍ത്താനും എല്ലാവര്‍ക്കും ഇഷ്ടമാണ്. എബ്രഹാം ഓസ്ലര്‍ എന്ന ചിത്രത്തിന്റെ സെറ്റില്‍ ഇന്ന് പകര്‍ത്തിയ ഒരു വണ്ടി ചിത്രം പങ്കുവെച്ചിരിക്കുകയാണ് നടന്‍ സെന്തില്‍ കൃഷ്ണ.

മിഥുന്‍ മാനുവല്‍ തോമസ് സംവിധാനം ചെയ്ത ചിത്രത്തില്‍ ജയറാമിനൊപ്പം മുഴുനീള അന്വേഷണ ഉദ്യോഗസ്ഥനായി സെന്തില്‍ കൃഷ്ണയും അഭിനയിച്ചിരുന്നു. മമ്മൂട്ടിക്കൊപ്പം സ്‌ക്രീന്‍ പങ്കിടാനും സെന്തിലിന് ഭാഗ്യം ലഭിച്ചു.

ജനുവരി 11നാണ് എബ്രഹാം ഓസ്ലര്‍ റിലീസ് ആയത്.അതിഥി വേഷങ്ങളില്‍ എത്തി മമ്മൂട്ടി കസറുന്നത് ഇതാദ്യമായല്ല. അവയില്‍ നിന്നെല്ലാം വ്യത്യസ്തമായ ഒരു കഥാപാത്രമാണ് ഓസ്ലറില്‍ കണ്ടത്.'ഓസ്ലറില്‍ മമ്മൂക്കയുടെ അഴിഞ്ഞാട്ടം, മമ്മൂക്ക സിനിമയില്‍ വിഷയം ആണ്..ഒരു രക്ഷയും ഇല്ല, 2024ലെ ദ ബെസ്റ്റ് എന്‍ട്രി പഞ്ചാണ്, മമ്മുക്കയുടെ കൊലമാസ് എന്‍ട്രി', എന്നിങ്ങനെയാണ് ആരാധകര്‍ പറയുന്നത്.