ജീവിതത്തിലെ ഏറ്റവും നല്ല കാലഘട്ടത്തിലൂടെ കടന്നു പോകുകയാണ് സൗഭാഗ്യ വെങ്കടേഷും അര്‍ജുന്‍ സോമശേഖരനും.നവംബര്‍ 29ന് ആണ് രണ്ടാള്‍ക്കും പെണ്‍കുഞ്ഞ് ജനിച്ചത്. സുദര്‍ശന എന്നാണ് കുട്ടിക്ക് പേര് നല്‍കിയത്.
ഇപ്പോഴിതാ, ജീവിതത്തിലെ അമൂല്യമായൊരു നിമിഷം ആരാധകര്‍ക്കായി പങ്കുവെച്ചിരിക്കുകയാണ് സൗഭാഗ്യ
'ഇതൊരു വിലയേറിയ ചിത്രമല്ലേ? ഏകദേശം 4 വര്‍ഷം മുമ്പ് എനിക്ക് എന്റെ അച്ഛനെ നഷ്ടപ്പെട്ടു, എന്റെ ഭര്‍ത്താവിന് ഈ വര്‍ഷം പപ്പയേയും... അതിനാല്‍ ഒരു മുത്തച്ഛന്റെ ശുദ്ധമായ സ്‌നേഹം അനുഭവിക്കാന്‍ എന്റെ കുഞ്ഞിന് ഭാഗ്യമില്ല. ദൈവം എല്ലായ്പ്പോഴും ഒരാളെ എല്ലാത്തില്‍ നിന്നും അകറ്റുന്നില്ല. ദൈവം അവള്‍ക്ക് സ്‌നേഹമുള്ള രണ്ട് മുത്തശ്ശിമാരെയും ഒരു ഗ്രേറ്റ് മുത്തശ്ശിയെയും നല്‍കിയിരിക്കുന്നു,'-സൗഭാഗ്യ കുറിച്ചു.
