50 ലക്ഷം രൂപയും 16 ലക്ഷത്തിന്റെ കാറും 100 ദിവസത്തെ ശമ്പളവും, ബിഗ് ബോസിന് ശേഷമുള്ള ജീവിതത്തെക്കുറിച്ച് അഖില്‍ മാരാര്‍

സിനിമ സംവിധായകനും ബിഗ് ബോസ് താരവുമാണ് അഖില്‍ മാരാര്‍. ഇതിനെല്ലാം മുമ്പ് ഒരു രാഷ്ട്രീയക്കാരന്‍ എവിടെയായിരുന്നു അദ്ദേഹം. തെരഞ്ഞെടുപ്പുമായി ബന്ധപ്പെട്ട് അഖില്‍ മാരാര്‍ പറഞ്ഞ ചില കാര്യങ്ങള്‍ സാമൂഹ്യ മാധ്യമങ്ങളില്‍ വൈറലായി മാറിയിരുന്നു. എന്നാല്‍ താരത്തെ പരിഹസിക്കാന്‍ എത്തിയ ചിലര്‍ക്ക് അതേ നാണയത്തില്‍ മറുപടി കൊടുത്തിരിക്കുകയാണ് അഖില്‍.

'സീസണ്‍ 5 എന്നാല്‍ മൂക്കില്ലാ രാജ്യത്തെ മുറി മുക്കന്‍ രായാവ്. ഏറ്റവും തല്ലി പൊളി ഓണ വില്ല് സീസണ്‍ ആയത് കൊണ്ട് മാത്രം വിജയിച്ച മഹാനായ ഡയറക്ടര്‍',-എന്നായിരുന്നു കമന്റ് വന്നത്. ഇതിനെ കിടിലന്‍ മറുപടിയാണ് താരം നല്‍കിയത്.

'സാരമില്ല. 50 ലക്ഷം രൂപയും 16 ലക്ഷം വില വരുന്ന കാറും 100 ദിവസത്തെ ശമ്പളവും അതിന് ശേഷം കഴിഞ്ഞ 2 ദിവസം മുന്‍പ് വരെ ചെയ്ത ഉദ്ഘടനവും ഉള്‍പ്പെടെ കാശ് വന്ന് വീണത് എന്റെ അക്കൗണ്ടില്‍ അല്ലേ. മൂക്ക് മുറിഞ്ഞതോ നീണ്ടതോ ആയിക്കോട്ടെ.മോന്‍ പോയി അടുത്ത ആരുടെയെങ്കിലും പേജില്‍ പോയി വേറെ കമന്റ് ഇടു. കുറെ കമന്റ് ഇടുമ്പോള്‍ ചോറ് തിന്നാനുള്ള മാര്‍ഗം ദൈവം കാണിച്ചു തരും',-എന്നാണ് അഖില്‍ മാരാര്‍ എഴുതിയത്. അഖിലിന്റെ മറുപടിയും വൈറലായി മാറി. നിരവധി ആളുകളാണ് ഇതിന് കയ്യടിച്ചുകൊണ്ട് എത്തിയത്.