'ന്നാ താൻ കേസ് കൊട്'ലെ സുരേശേട്ടന്റെയും സുമലത ടീച്ചറുടേയും പ്രണയകഥ സിനിമയാകുന്നു. 'ഹൃദയഹാരിയായ പ്രണയകഥ'എന്നാണ് പേരിട്ടിരിക്കുന്നത്.രതീഷ് പൊതുവാൾ തിരക്കഥ എഴുതി സംവിധാനം ചെയ്യുന്ന ചിത്രത്തിൽ രാജേഷ് മാധവും ചിത്ര നായരും പ്രധാന വേഷങ്ങളിൽ എത്തുന്നു.
സുരേശേട്ടന്റെയും സുമലത ടീച്ചറുടേയും ജീവിത പശ്ചാത്തലം പ്രമേയമാകുന്ന സ്പൂഫ് ചിത്രമായിരിക്കും ഇത്. നേരത്തെ പങ്കുവെച്ച സേവ് ദ ഡേറ്റ് വീഡിയോ വൈറലായി മാറിയിരുന്നു. ഇപ്പോഴാ അത്തരത്തിൽ ഒരു വീഡിയോയുമായി എത്തിയിരിക്കുകയാണ് നിർമാതാക്കൾ.
സിൽവർ ബേ സ്റ്റുഡിയോസിന്റേയും സിൽവർ ബ്രോമൈഡ് പിക്‌ചേഴ്‌സിന്റേയും ബാനറിൽ ഇമ്മാനുവൽ ജോസഫ് , അജിത്ത് തലാപ്പിള്ളി എന്നിവരാണ് നിർമാണം. രതീഷ് പൊതുവാളും ജെയ് കെ , വിവേക് ഹർഷൻ എന്നിവർ സഹ നിർമാതാക്കളുമാണ്.
