Mother's Day: ഞാനും രാഹുലും മാതാപിതാക്കളായി, മകളെ ദത്തെടുത്തത് കഴിഞ്ഞ വര്‍ഷം: നടി അഭിരാമി

ഇന്ന് ലോക മാതൃദിനമാണ്

Mother's Day: മാതൃദിനത്തില്‍ താന്‍ അമ്മയായ സന്തോഷവാര്‍ത്ത ആരാധകരെ അറിയിച്ച് തെന്നിന്ത്യന്‍ നടി അഭിരാമി. സോഷ്യല്‍ മീഡിയയിലൂടെയാണ് താനും പങ്കാളിയും മാതാപിതാക്കളായ വിവരം താരം അറിയിച്ചത്. മകളെ കഴിഞ്ഞ വര്‍ഷമാണ് ദത്തെടുത്തതെന്നും മകളുടെ പേര് കല്‍കി എന്നാണെന്നും അഭിരാമി പറഞ്ഞു. 

' പ്രിയ സുഹൃത്തുക്കളേ, ഞാനും രാഹുലും കല്‍കി എന്ന പെണ്‍കുട്ടിയുടെ മാതാപിതാക്കളായ കാര്യം വളരെ ആശ്ചര്യത്തോടെ അറിയിക്കുന്നു. ഞങ്ങളുടെ മകളെ ദത്തെടുത്തത് കഴിഞ്ഞ വര്‍ഷമാണ്. എല്ലാ അര്‍ത്ഥത്തിലും അതൊരു ജീവിതത്തിലെ വലിയൊരു മാറ്റമായിരുന്നു. പുതിയൊരു അമ്മ എന്ന നിലയില്‍ ഇന്ന് മാതൃദിനം ആഘോഷിക്കാന്‍ സാധിച്ചതില്‍ ഞാന്‍ ഏറെ അനുഗ്രഹിക്കപ്പെട്ടു. ഞങ്ങളുടെ പുതിയ ഉത്തരവാദിത്തത്തിനായി നിങ്ങളുടെ അനുഗ്രഹം വേണമെന്ന് ഞാനും കുടുംബവും അഭ്യര്‍ത്ഥിക്കുന്നു,' അഭിരാമി കുറിച്ചു. 

View this post on Instagram

A post shared by Abhirami (@abhiramiact)

ഇന്ന് ലോക മാതൃദിനമാണ്. എല്ലാ വര്‍ഷവും മേയ് മാസത്തിലെ രണ്ടാം ഞായറാഴ്ചയാണ് മാതൃദിനം ആഘോഷിക്കുന്നത്.